१८ वर्ष अघि प्रस्तुत गरिएको थियो पहिलो आईफोन, के यसले साँच्चै नै संसारमा परिवर्तन ल्यायो?

काठमाडौं ।

यदि कोही लामो समयदेखि स्मार्टफोनको प्रेमी छन् भने तिनीहरुले केही मितिहरू पक्कै पनि बिर्सँदैनन् होला। त्यसमध्ये एप्पलको पहिलो पुस्ताको आईफोन सार्वजनिक भएको मिति एउटा हुन सक्छ। सन् २००७ को जुन २९ तारिखमा एप्पलले आफ्नो पहिलो पुस्ताको आईफोन लन्च गरेको थियो।

यो डिभाइस सन् २००७ को जनवरी ९ तारिखमा स्वर्गीय स्टिभ जब्सले प्रस्तुत गरेका थिए। तर एप्पलले यो डिभाइसको पर्याप्त युनिटहरू उत्पादन गर्न समय लागेको थियो।

जब्सले जनवरीमा डिभाइस अनावरण गरेदेखि आजको दिनसम्म पनि सबैजना आईफोनको बारेमा नै कुरा गरिरहेका छन्।

टचस्क्रिनसहितको एप्पलको यो डिभाइसले संसारलाई परिवर्तन गर्नेछ भन्ने तथ्य त्यतिखेर नै स्पष्ट रहेको विदेशी मिडियालाई उद्धृत गर्दै टेलिग्राफले रिपोर्ट गरेको छ।

सन् २००७ मा आईफोन किन्ने प्रक्रिया भने अहिलेको भन्दा धेरै सरल थियो। लन्च हुनुभन्दा केही दिन अघिदेखि नै मानिसहरू एप्पल स्टोरहरूको अगाडि रातभर लाइनमा बस्ने  चलन रहेको थियो।

१८ वर्ष पहिले, उपभोक्ताहरूका लागि ४ जीबी स्टोरेज (४९९ अमेरिकी डलर) र ८ जीबी स्टोरेज (५९९ अमेरिकी डलर) भएका आईफोनहरू बीच छनौट गर्ने विकल्प उपलब्ध थियो।

आफ्नो पहिलो पुस्ताको आईफोन प्रस्तुत गरेको दुई महिना पछि एप्पलले ४ जीबी भेरियन्ट बन्द गरेको थियो र सन् २००८ को फेब्रुअरीमा अर्को १६ जीबी मोडेल प्रस्तुत गरेको थियो।

धेरै मानिसहरूले जनवरी ९ तारिखलाई मूल आईफोनको वार्षिकोत्सवको रूपमा मनाउने गरेका छन्।

आजको दिनमा आएर यो सबै घटनाहरु विश्वास गर्न गाह्रो भए तापनि १८ वर्ष अघि साँच्चै नै संसार परिवर्तन भएको दिन थियो भनी टेलीग्राफले रिपोर्ट गरेको छ।