कोरियाली वैज्ञानिकहरूद्वारा पानीमा घोलिने मेमोरी डिभाइस विकास

काठमाडौं ।

एक प्रमुख वैज्ञानिक सफलताको रुपमा दक्षिण कोरियाली अनुसन्धानकर्ताहरूले पानीमा घोलिने बायोडिग्रेडेबल मेमोरी डिभाइस विकास गरेका छन्।

कोरिया इन्स्टिच्युट अफ साइन्स एण्ड टेक्नोलोजी (केआईएसटी) का वैज्ञानिकहरूले हालैका वर्षहरूमा ठूलो वातावरणीय चिन्ता बनेको ई–वेस्ट (फोहोर) समस्यालाई सम्बोधन गर्न बलियो डाटा स्टोरेज क्षमताहरू र पूर्ण बायोडिग्रेडेबिलिटी (जैवविघटनशीलता) संयोजन गरेका छन्।

पीसीएल–टीईएमपीओ भनिने यस नयाँ मोलिकुलर स्ट्रक्चर (आणविक संरचना) ले विद्युतीय जानकारी भण्डारण गर्न सक्षम एक फङ्गसनल अर्गानिक मोलिक्युल (कार्यात्मक जैविक अणु) टीईएमपीओलाई एक बायोडिग्रेडेबल पोलिमर पोलिकाप्रोल्याक्टोन (पीसीएल) सँग संयोजन गर्दछ।

यो नयाँ डिजाइनले सिङ्गल मोलिकुलर सिस्टम (एकल आणविक प्रणाली) भित्र इलेक्ट्रिकल सिङ्गनल स्टोरेज (विद्युतीय संकेत भण्डारण) र प्राकृतिक क्षय दुवै प्राप्त गर्न सक्षम बनाउने जनाइएको छ।

“यसले फिजिकल सेल्फ–डिस्ट्रक्सन (भौतिक रुपमा आफैलाई खतम् गर्ने) हाई–पर्फमेन्स अर्गानिक (उच्च–प्रदर्शन जैविक) मेमोरी डिभाइसमा एकीकृत गर्ने पहिलो उदाहरणलाई जनाउने भएकाले यो उपलब्धि प्राविधिक रूपमा महत्त्वपूर्ण छ” परियोजनाका प्रमुख वैज्ञानिकहरू मध्ये एक डा. सांघो चोले भने।

“अर्को पुस्ताको बायोइलेक्ट्रोनिक्स र पर्यावरण–मैत्री उपकरणहरूको व्यावसायीकरणलाई तीव्र पार्दै, भविष्यमा, हामी यसलाई सेल्फ–हिलिङ र फोटो–ङेसपोन्सिभ क्षमताहरू समावेश गरेर ‘इन्टेलिजेन्ट ट्रान्सियण्ट इलेक्ट्रोनिक डिभाइस’ मा विकसित गर्ने लक्ष्य राख्छौं” डा. सांघोले भने।

वातावरण–मैत्री हुनुका साथै, डिभाइसले १०,००० सेकेन्ड भन्दा बढीको लागि स्टोरेज गरिएको डाटा सफलतापूर्वक कायम राखेको र दस लाखभन्दा बढी साइकल्स (चक्रहरू) मा अन र अफ अवस्थाहरू बीच छुट्याएको उल्लेख गरिएको छ।

“यसबाहेक, डिभाइसले २५० भन्दा बढी राइट–इरेज साइकल्स (लेखन–मेटाउने चक्रहरू) पछि पनि र ३,००० पटक भन्दा बढी बेण्ड गरेपछि पनि कुनै गिरावट नदेखाएको उल्लेख गरिएको छ जुन अर्गानिक इलेक्ट्रोनिक डिभाइसको लागि स्थायित्व र प्रदर्शनको असाधारण संयोजन भएको” अध्ययनले बताएको छ।

मेमोरी चिपलाई मानव शरीरमा सुरक्षित रूपमा प्रत्यारोपण गर्न सकिने र यसलाई आवश्यक पर्दा डिग्रेड सकिने तवरले डिजाइन गरिएको उल्लेख गरिएको छ। अनुसन्धानकर्ताहरूले डिग्रेडेसन सुरु हुँदा नियन्त्रण गर्न थिकनेस (मोटाई) र कम्पोजिसन (संरचना) नियन्त्रण गर्न सक्ने जनाइएको छ। बाहिरी तह पग्लिएपछि, कुनै अवशेष नछोड्दै सामग्री लगभग तीन दिनमा पानीमा गायब हुने उल्लेख गरिएको छ।

पानीमा घोलिने प्लास्टिक
यस महिनाको सुरुमा, जापानी वैज्ञानिकहरूले समुद्री पानीमा घोलिने नयाँ प्रकारको प्लास्टिकको विकास गरेको घोषणा गरेका थिए जसले समुद्री प्रदूषणसँग जुध्न सम्भावित रूपमा सफलता प्रदान गर्ने उल्लेख गरिएको छ।

नयाँ पदार्थले नाइट्रोजन र फस्फोरस छोड्छ, जुन सूक्ष्मजीवहरूले मेटाबोलिज गर्न सक्छन् र बिरुवाहरूले अवशोषित गर्न सक्छन् भनी अनुसन्धानकर्ताहरूले खुलासा गरेका थिए। यो मानिसको लागि विषाक्त नहुनुका साथै आगो प्रतिरोधी क्षमताहरू भएको र कार्बन डाइअक्साइड नछोड्ने एनडीटिभीले रिपोर्ट गरेको छ।