प्रत्यक्ष भेटघाट वा कुराकानीका क्रममा फोनको स्क्रिनलाई भुईँतिर फर्काउनु किन महत्त्वपूर्ण छ? यस्तो छ कारण

काठमाडौं ।

स्मार्टफोनहरु दिन प्रतिदिन हाम्रो जीवनमा हावी हुँदै गइरहेका छन्। साथीभाइसँग कफी पिउन बस्दा उनीहरूको ध्यान केवल उनीहरूको फोनमा केन्द्रित हुने भएकाले धेरैजनाले एक्लै भएको महसुस गर्नु अब सामान्य भइसकेको छ। बढ्दो रूपमा नोटिफिकेसन लाइटहरू र निरन्तर स्क्रिन चेकिङले हाम्रा प्रत्यक्ष कुराकानीहरूङाई बधा पुर्याइरहेको छ।

स्क्रिनहरूले हामीलाई वरपरका मानिसहरूबाट बढ्दो रूपमा हाम्रो ध्यान विचलित गरिरहेको अवस्थामा फोनको स्क्रिनलाई तलतिर फर्काउने जस्ता साधारण बानीले ठूलो फरक पार्न सक्छ।

धेरै भन्दा धेरै प्रयोगकर्ताहरूले कुरा गरिरहेको व्यक्ति भन्दा पनि आफ्नो फोनमा बढी ध्यान दिने भएकाले उनीहरूलाई नराम्रो लाग्ने गरेको सीनेट उल्लेख गरेको छ।

प्रत्यक्ष कुराकानीको समयमा फोन प्रयोग नगरी टेबलमा राख्नाले प्राविधिक रूपमा तपाईंको फोनको ब्याट्री बचत हुन्छ भन्ने कुरो सबैलाई ज्ञात भएकै विषय हो।

फोनको स्क्रिन फेस डाउन (तल/घोप्टो) हुदाँ, यो कुनै पनि सूचनाहरूको लागि सक्रिय नहुने र धेरैजसो फोनहरूको यदि सेन्सरहरू ढाकिएको छ भने स्क्रिन पनि सक्रिय नहुने किसिमले अनुकूलित गरिएको हुन्छन्।

धेरै समूह च्याटहरूमा हुनाले र धेरै संख्यामा एपहरूको लागि नोटिफिकेसनहरू सक्षम गर्दा, यसले प्रति दिन दर्जनौं अनावश्यक स्क्रिन फ्ल्यासहरू हुने गर्दछ।

त्यसैले प्रत्यक्ष कुराकानीमा आफ्नो फोनको स्क्रिन फेस डाउन गर्नाले अर्को व्यक्तिलाई सम्मान व्यक्त गरेको पनि देखिनेछ।

समाजमा, विशेष गरी क्याफे वा रेस्टुरेन्ट जस्ता घनिष्ठ सेटिङहरूमा, स्क्रिन फर्काएर कुराकानी गर्ने व्यक्तिलाई हामी कुराकानीमा सक्रिय सहभागी हौं भन्ने स्पष्ट सन्देश दिनेछ।

फोनमा छोटो समयको लागि एकै नजरले पनि आई कन्ट्याक्ट गर्ने दुई व्यक्तिहरू बीचको मस्तिष्क गतिविधिको तालमेललाई बाधा पुर्याउन सक्छ जुन कनेक्सन र बुझाइको भावनाको लागि आवश्यक रहेको मनोवैज्ञानिक मिशेल डेभिसले दावी गरेका छन्।

त्यसैगरी आधुनिक स्मार्टफोनहरू ठूला, उज्यालो र ध्यान आकर्षित गर्ने तवरले डिजाइन गरिएका छन्। र तिनीहरूलाई नकार्न गाह्रो हुने गरेको छन्।

स्क्रिनलाई तलतिर फर्काउने सबैभन्दा सानो कार्यले पनि हामीलाई हाम्रो ध्यान डिजिटल संसारबाट हटाई अन्यत्र केन्द्रित गर्न मद्दत गर्ने टेलीग्राफले रिपोर्ट गरेको छ।