फोल्डेबल आईफोन सन् २०२६ मा आउने अपेक्षा, प्रारम्भिक उत्पादन यस वर्ष हुने सम्भावना

काठमाडौं ।

एप्पलको धेरै चर्चा गरिएको फोल्डेबल आईफोन अब वास्तविकताको नजिक सर्दै गएको देखिन्छ। एप्पल विकासको एक महत्त्वपूर्ण कोसेढुङ्गामा पुगेको र उत्पादनको पहिलो चरणको लागि तयारी गरिरहेको विश्लेषक मिङ–ची कुओले बताएका छन्। कुओले एप्पलले आफ्नो डिभाइस कहिले बनाउन सुरु गर्नेछ, यसको डिजाइन कस्तो हुनेछ र अपेक्षित मात्राहरु कति हुनेछ भन्ने जस्ता नयाँ जानकारीहरुको बारेमा विवरणहरु साझा गरेका छन्।

सन् २०२५ को तेस्रो त्रैमासिकको उत्तरार्धमा उत्पादन सुरु हुन सक्छः
एप्पलको आपूर्तिकर्ता फक्सकनले सन् २०२५ को सेप्टेम्बरको अन्त्यतिर वा अक्टोबरको सुरुतिर फोल्डेबल आईफोनको उत्पादन सुरु गर्ने तयारीमा रहेको कुओले बताएका छन्। एप्पलले फोल्डेबल डिभाइसलाई यसको आईफोन १८ लाइनअपको भागको रूपमा राख्दै सन् २०२६ को फल (सेप्टेम्बर वा अक्टोबर) मा सार्वजनिक लन्च गर्ने लक्ष्य राखेको बताइएको छ। उत्पादनबाट केही महिना टाढा भए पनि, हिञ्ज जस्ता धेरै आन्तरिक कम्पोनेन्टहरूलाई अझै अन्तिम रूप नदिइएको उल्लेख गरिएको छ।

एप्पलको फोल्डेबल आईफोनको लागि सामसङ डिस्प्लेले लगभग ७ देखि ८ मिलियन प्यानलहरू आपूर्ति गर्नेछ। साथै डिभाइसले बन्द गर्दा ५.५ इन्चको स्क्रिन र खोल्दा ७.८ इन्चको स्क्रिन प्रदान गर्नेछ। बुक–स्टाइल इनवार्ड फोल्डको साथ एप्पलको फोल्डेबल आईफोनको डिजाइन भने ग्यालेक्सी फोल्डसँग मिल्दोजुल्दो हुनेछ। एप्पलले कथित रूपमा न्यूनतम क्रिज भिजिबिलिटीको लागि हिञ्ज इन्जिनियर गरेको र यसमा अण्डर–डिस्प्ले क्यामराहरू समावेश हुन सक्ने सम्भावन रहेको बताइएको छ। इन्टर्नल स्पेस लिमिटेसन (आन्तरिक ठाउँ सीमितता) का कारण डिभाइसले फेस आईडीको सट्टा टच आईडी प्रयोग गर्न सक्ने उल्लेख गरिएको छ। साथै डिभाइस मोटाई अनफोल्ड (खोल्दा) गर्दा लगभग ४.५ मिमी र फोल्ड गर्दा ९–९.५ मिमी हुन सक्ने बताइएको छ।

सीमित रोलआउटको अपेक्षाः
कुओले फोल्डेबल आईफोनको मूल्य २,००० देखि २,५०० अमेरिकी डलरको बीचमा हुने अपेक्षा गरेका छन्। एप्पलले १५ देखि २० मिलियन युनिटहरू अर्डर गरेको विश्वास गरिएको छ र जसले अनुमानित २ देखि ३ वर्षको जीवनचक्रलाई समेट्ने जनाइएको छ। यो रणनीतिले ठूलो बजार धक्काको सट्टा सीमित, विशिष्ट रोलआउटको सुझाव दिने उल्लेख गरिएको छ। साथै कुओले डिभाइस ठूलो उत्पादनमा प्रवेश गर्नु अघि एप्पलको योजनाहरू अझै पनि परिवर्तन हुन सक्ने उल्लेख गरेको गीज्मोचाइनाले रिपोर्ट गरेको छ।