अन्टार्कटिकामा बरफमुनिबाट निस्कने रहस्यमय रेडियो तरंगहरू देखेर अलमलमा वैज्ञानिकहरू

काठमाडौं ।

अन्टार्कटिकामा बरफमुनिबाट आउने अनौठा रेडियो तरंगहरू फेला पारेपछि वैज्ञानिकहरू अलमल्लमा परेका छन्। पेन्सिलभेनिया विश्वविद्यालयका अनुसन्धानकर्ताहरूको समूहले “पार्टिकल फिजिक्सको वर्तमान बुझाइलाई चुनौती दिने” रहस्यमय संकेतहरू पत्ता लगाएका हुन्।

फिजिकल रिभ्यु लेटर्स जर्नलमा प्रकाशित अध्ययनको नतिजा अनुसार, रहस्यमय रेडियो तरंगहरू अन्टार्कटिक इम्पल्सिभ ट्रान्जियन्ट एन्टेना (एएनआईटीए) द्वारा पत्ता लगाइएको हो।

एनडीटिभीका अनुसार डिटेक्टरमा पुग्नु अघि उक्त असामान्य संकेतले हजारौं किलोमिटर चट्टानबाट यात्रा गर्नुपर्ने अनुसन्धानकर्ताहरूले बताएका छन्। सामान्य परिस्थितिहरूमा, दूरी र डिस्टोर्सन (विकृति) ले मात्र रेडियो संकेत पत्ता लगाउन नसकिने भए तापनि, कुनै न कुनै रूपमा यो वैज्ञानिकहरूसम्म पुग्न सफल भएका छन्।

“हामीले पत्ता लगाएका रेडियो तरंगहरू साँच्चै ठाडो कोणहरू (स्टिप एंगल्स) मा थिए, जस्तै बरफको सतहभन्दा ३० डिग्री तल” एएनआईटीए टोलीमा काम गर्ने भौतिक विज्ञान, खगोल विज्ञान र खगोल भौतिकशास्त्रकी सह–प्राध्यापक स्टेफनी विसेलले भनिन्।

वैज्ञानिकहरूले न्यूट्रिनोहरू खोज्दै गर्दा गल्तिले रेडियो तरंगहरू पत्ता लगाए हुन्। उक्त रेडियो वेभ सबै सबएटोमिक पार्टिकल्स (उप–परमाणविक कणहरू) मध्ये सबैभन्दा सानो पिण्ड भएको र कुनै चार्ज नभएको कणको प्रकार भएको उल्लेख गरिएको छ।

तिनीहरू सामान्यतया सूर्य जस्ता उच्च–ऊर्जा स्रोतहरू वा सुपरनोभा वा बिग ब्याङ्ग जस्ता प्रमुख ब्रह्माण्डीय घटनाहरूबाट उत्सर्जित हुने बताइएको छ।

“यो एउटा रोचक समस्या हो किनभने हामीसँग अझै पनि ती अनौठो र असामान्य रेडियो तरंगहरू के हुन् भन्ने बारे स्पष्टीकरण छैन, तर हामीलाई के थाहा छ भने तिनीहरूले न्यूट्रिनोहरूको प्रतिनिधित्व गर्दैनन्” विसेलले भनिन्।

असामान्य कणको रहस्यः

“केही रोचक रेडियो प्रसार प्रभाव बरफको नजिक र क्षितिजको नजिक पनि हुन्छ भन्ने मेरो अनुमान छ जुन म पूर्ण रूपमा बुझ्दिन, तर हामीले निश्चित रूपमा ती मध्ये धेरैको अन्वेषण गर्यौं, र हामीले ती मध्ये कुनै पनि फेला पार्न सकेका छैनौं” उनले उल्लेख गरिन्। “त्यसैले, यो अहिले, यी लामो समयदेखि चलिरहेका रहस्यहरू मध्ये एक हो” उनले थप बताइन्।

पेन्सिलभेनिया स्टेटका टोलीसँग हाल असामान्य संकेतको बारेमा कुनै उत्तर नभएको र पीयूईओ भनिने नयाँ डिटेक्टरले राम्रोसँग न्यूट्रिनो संकेतहरू पत्ता लगाउनका साथै रहस्य समाधान गर्न सक्छ भन्ने कुरामा विसेल आशावादी भएको बताइन्।

“जब हामी पीयूईओ उडाउँछौं, हामीसँग राम्रो संवेदनशीलता हुनेछ र त्यसको लागि म उत्साहित छु। सिद्धान्तमा, हामीले थप असामान्यताहरू पत्ता लाउनु पर्छ, र सायद हामी वास्तवमा तिनीहरू के हुन् भनेर बुझ्नेछौं” भनि विसेलले बताएको एनडीटिभीले रिपोर्ट गरेको छ।