Technology Khabar २० जेष्ठ २०८२, मंगलवार
काठमाडौं ।
लेनोभोले आधिकारिक रूपमा जेडी डट कम (JD.com) मा सी५५ डिजिटल क्यामरा लन्च गरेको छ। नयाँ मोडेलमा ६४–मेगापिक्सेलको सोनी सीएमओएस सेन्सर रहेको छ भने यसको मूल्य ६४जीबी भेरियन्टको लागि ४९९ युआन (६९ अमेरिकी डलर) र १२८जीबी संस्करणको लागि ५५९ युआन (७८ अमेरिकी डलर) कायम गरिएको छ।
लेनोभो सी५५ क्यामराको स्पेसिफिकेसनहरूः
लेनोभो सी५५ ले सुधारिएको क्ल्यिारिटी (स्पष्टता) र डिटेल (विवरण) का साथ हाई–रिजोल्युसन ईमेज (तस्बिर)हरू खिच्न १/३–इन्च सोनी सीएमओएस सेन्सर प्रयोग गर्दछ। क्यामराले १८x डिजिटल जुमलाई समर्थन गर्दछ, जसले प्रयोगकर्ताहरूलाई लेन्स परिवर्तन नगरी नजिक वा टाढाका विषयहरूको फोटो खिच्न अनुमति दिन्छ। बिल्ट–इन ईमेज प्रोसेसिङ्ग इन्जिनले भाइब्रेण्ट कलर्स (जीवन्त रङ्ग) र टेक्स्चर्स (बनावट) को साथ तीखो छविहरू प्रदान गर्न मद्दत गर्दछ।
लेनोभो सी५५ को फ्रण्ट (अगाडि) र रियर (पछाडि) दुवै क्यामराहरूले फोरके भिडियो रेकर्डिङ समर्थन गर्ने बताइएको छ। यस क्यामरामा स्मार्ट रोटरी कन्ट्रोल डायल समावेश गरिएको छ जसले फोटो र भिडियो मोडहरू बीच निर्बाध स्विच गर्न मद्दत गर्नेछ। यो डायलले टाइम्ड सुटिङ, बस्र्ट मोड, स्पेशल इफेक्ट, लुप रेकर्डिङ, टाइम–ल्याप्स र स्लो–मोसन भिडियो जस्ता सुविधाहरूमा द्रुत पहुँच पनि प्रदान गर्दछ।
लेनोभोको क्यामरामा रहेको २.८ इन्चको एलसीडी स्क्रिनमा प्रयोगकर्ताहरूले शटहरू पूर्वावलोकन गर्न र मेनुहरू नेभिगेट गर्न सक्ने छन्। डिभाइसमा लो–लाइट सिन्स (कम प्रकाश भएका दृश्यहरू) मा प्रकाश प्रदान गर्न डिजाइन गरिएको डुअल “ओ”–सेप्ड एलईडी रिङ्ग लाइटहरू पनि समावेश गरिएको छन्। यी सफ्ट लाइटहरू नाइट पोट्र्रेट र क्लोज–अप फोटोग्राफीको लागि उपयोगी हुने छन्।
क्यामरामा ह्यान्डहेल्ड भिडियो रेकर्डिङको समयमा मोसन ब्लर कम गर्न इलेक्ट्रोनिक ईमेज स्टेबलाजेसन (ईआईएस) सुविधा पनि उपलब्ध छ। ब्याट्री सहित डिभाइसको तौल लगभग १९० ग्राम छ भने यसको मापन ११२ x ७१.५ x ३४.५ मिमी रहेको छ। लेनोभोले पोर्टेबिलिटी सुधार गर्न डिभाइसलाई रिस्ट स्ट्राप र स्टोरेज पाउचको साथ ढुवानी गर्दछ।
सी५५ मा १३००एमएएचको ब्याट्री समावेश गरिएको छ जसले फोटोग्राफीको लागि १२० मिनेटसम्मको प्रयोग वा लगभग ८० मिनेट निरन्तर भिडियो रेकर्डिङ प्रदान गर्दछ। यो यूएसबी टाइप–सी पोर्ट मार्फत चार्ज हुने र १२८जीबी सम्म टीएफ कार्ड स्टोरेज विस्तारलाई समर्थन गर्दछ।
लेनोभो सी५५ ह्वाइट फिनिश (सेतो रङ्ग)मा उपलब्ध हुनेछ भने यूएसबी–सी केबल, रिस्ट स्ट्राप र स्टोरेज ब्याग जस्ता एक्सेसरिजहरूसँग ढुवानी गरिने गीज्मोचाइनाले उल्लेख गरेको छ।
प्रकाशित: २० जेष्ठ २०८२, मंगलवार
