काठमाडौं ।
आईप्याडमा लामो समयदेखि सबैभन्दा अनुरोध गरिएको र लामो समयदेखि ढिलो भइरहेको एप एक्सपिरियन्स मध्ये एक ‘इन्स्टाग्राम’ हो।
ब्लूमबर्गका मार्क गर्मनका अनुसार, आईप्याडको लागि इन्स्टाग्राम अब सक्रिय रुपमा विकासको चरणमा रहेको र मेटाका कर्मचारीहरूले पहिले नै आन्तरिक रूपमा एप परीक्षण गरिरहेको बताइएको छ।
यदि सबै कुरा योजना अनुसार भयो भने, वर्षको अन्त्य अघि आईप्याडको लागि इन्स्टाग्राम एप लन्च हुन सक्छ भनि विदेशी मिडियालाई उद्धृत गर्दै टेलिग्राफले रिपोर्ट गरेको छ।
इन्स्टाग्रामका सीईओ एडम मोसेरीले भने वर्षौंदेखि आईप्याड संस्करणको आवश्यकतालाई कम आँकलन गर्दै प्रयोगकर्ता आधार प्रयासलाई औचित्य दिन पर्याप्त रुपमा ठूलो नभएको भन्ने सुझाव दिँदै आएका थिए।
तर, अब इन्स्टाग्रामका सीईओ एडम मोसेरीको यो मनोवृत्ति द्रुत रूपमा परिवर्तन भइरहेको देखिन्छ।
आईप्याडमा इन्स्टाग्राम लन्च गर्न ढिलाइ गर्नुको कारण मध्ये प्राविधिक चुनौती पनि एक भएको र आईप्याडको ठूलो स्क्रिनले अद्वितीय चुनौतीहरू प्रस्तुत गरेको उल्लेख गरिएको छ।
साथै हाई–रिजोल्युसन ट्याब्लेटमा लो–रिजोल्युसन कन्टेण्ट राम्रोसँग फिट नहुन सक्छ भन्ने चिन्ता पनि उत्पन्न भएको उल्लेख गरिएको छ।
गर्मनले सुधारिएको इन्टरप्रिटेसन टुल्स र डिभाइस क्यापाबिलिटिज (क्षमताहरू) ले अब यी अवरोधहरू पार गर्न सजिलो बनाएको भनि टिप्पणी गरेको टेलीग्राफले उल्लेख गरेको छ।
प्रकाशित: १९ जेष्ठ २०८२, सोमबार
