जेम्स वेब टेलिस्कोपले एन्सियन्ट ग्यालेक्सीहरूको गहिरो तस्बिर खिच्यो

काठमाडौं ।

जेम्स वेब स्पेस टेलिस्कोपले एउटै लक्ष्य(स्थान)मा गरेको सबैभन्दा डीपेस्ट भ्यू (गहिरो दृश्य) ले प्रकाशका स्पिनिङ आर्क (घुम्ने चाप)हरू चित्रण गर्दछ जुन ब्रह्माण्डको टाढाको धेरै पहिलेका आकाशगंगाहरू भएको युरोपियन स्पेस एजेन्सीले मंगलबार बताएको छ।

नयाँ तस्बिर खिच्नको लागि संसारको सबैभन्दा शक्तिशाली टेलिस्कोपले १२० घण्टाभन्दा बढी समय लगाएको थियो, जसले गर्दा यो वेबले एउटै लक्ष्यमा केन्द्रित गरेको सबैभन्दा लामो समय बन्न पुगेको छ।

यो “अहिलेसम्म एउटै लक्ष्यमा वेबको सबैभन्दा डीपेस्ट गेज (गहिरो नजर)” भएको युरोपियन स्पेस एजेन्सी (ईएसए) ले एक विज्ञप्तिमा बताएको छ र जसले गर्दा यो तस्बिर ब्रह्माण्डको सबैभन्दा गहिरो दृश्यमध्ये एक भएको उल्लेख गरिएको छ।

तस्विरमा देखिने उज्यालो केन्द्र एबेल एस१०६३ भनिने ग्यालेक्सीहरूको म्यासिभ क्लस्टर (आकाशगंगाहरूको विशाल समूह) भएको बताइएको छ जुन पृथ्वीबाट ४.५ अर्ब प्रकाश वर्ष टाढा रहेको उल्लेख गरिएको छ।

तर यो वास्तविक लक्ष्य नभएको थप उल्लेख गरिएको छ।

यस्ता विशाल आकाशीय वस्तुहरूले आफ्नो पछाडिका वस्तुहरूको प्रकाशलाई मोड्न सक्ने भएकाले जसले गर्दा ग्य्राभिटेस्नल लेन्स भनिने एक प्रकारको म्याग्निफाइङ्ग ग्लास सिर्जना हुने उल्लेख गरिएको छ।

त्यसकारण, एबेल एस१०६३ वरिपरि घुम्ने “वाप्र्ड आर्कहरू” वैज्ञानिकहरूका लागि साँच्चै चासोको कुरा हुने युरोपियन स्पेस एजेन्सीले विज्ञप्तिमा उल्लेख गरेको छ।

‘टाढाको अन्तरिक्षमा हेर्नु भनेको समयलाई फर्केर हेर्नु पनि हो, त्यसैले वैज्ञानिकहरूले ब्रह्माण्ड केही मिलियन वर्ष पुरानो हुँदा कस्मिक डन भनेर चिनिने अवधिमा पहिलो आकाशगंगाहरू कसरी बनेका थिए भनेर जान्न सकिने आशा लिएका छन्’ भनि एनडीटीभीले रिपोर्ट गरेको छ।

तस्बिरमा प्रकाशको विभिन्न नियर–इन्फ्रारेड वेभलेन्थका नौ अलग–अलग तस्बिरहरू समावेश रहेको युरोपियन स्पेस एजेन्सीले बताएको छ।

सन् २०२२ मा अनलाइन आएदेखि, वेब टेलिस्कोपले वैज्ञानिक सफलताहरूको नयाँ युगको सुरुवात गरेको छ।

यसले प्रारम्भिक ब्रह्माण्डमा आकाशगंगाहरू वैज्ञानिकहरूले अपेक्षा गरेभन्दा धेरै ठूलो भएको र जसले गर्दा कतिपयले ब्रह्माण्डको हाम्रो बुझाइमा केही गडबड हुन सक्छ भन्ने शंका गर्छन् भनेर सिन्डिकेटेड फिडबाट प्रकाशित गरिएको यस लेखले खुलासा गरेको छ।