एप्पलले २०० मेगापिक्सेलको क्यामरा परीक्षण गर्दै

काठमाडौं ।

एप्पलले अब २०० मेगापिक्सेल क्यामरा सेन्सरको परीक्षण गरिरहेको सुन्नमा आएको छ।

हाल यस विषयमा थप जानकारी उपलब्ध नभएको हुनाले निश्चित सेन्सरको बारेमा र कुन क्यामराको लागि हो भनेर थाहा छैन। एप्पलका प्रतिस्पर्धीहरू मध्ये, सामसङले आफ्नो अल्ट्राको मुख्य क्यामराको लागि २०० मेगापिक्सेल प्रयोग गरिरहेको छ जुन अब एस२५ एजमा पनि प्रयोग गर्ने बताइएको छ।

अर्कोतर्फ, २०० मेगापिक्सेल पेरिस्कोप टेलिफोटो क्यामरा विगत केही महिनाहरूदेखि हाई–इण्ड चिनियाँ स्मार्टफोनहरूमा प्रमुख बन्दै आएको छ। यस अफवाहको स्रोतले एप्पलले परीक्षण गरिरहेको यो क्यामरा मुख्य क्यामरा हुने “सम्भावना” भएको दावी गरेको छ।

वेइबोमा डिजिटल च्याट स्टेशन भनेर चिनिने गरेको प्रख्यात लीकरले आगामी केही वर्षको लागि एप्पलको डिजाइन रणनीतिको बारेमा पनि केही खुलासा गरेको छ। सन् २०२५ मा आईफोन १७ परिवारको पछाडि ठूलो क्यामरा बम्पको साथ ठूला परिवर्तनहरू गरिने भएका छन्।

त्यसपछि, अर्को वर्ष, अगाडिको भागमा ठूलो परिवर्तनहरू हुनेछन् र फेस आईडी स्क्रिन मुनि जानेछ (सम्भवतः प्रो मोडेलहरूमा मात्र) भने सेल्फी क्यामराको लागि केवल सिङ्गल होल–पञ्च हुने बताइएको छ।

त्यसैगरी, सन् २०२७ मा, एप्पलका आईफोनहरूमा जताततै ठूला परिवर्तनहरू हुने भनिएको छ।

फोनको पछाडिको भागको बारेमा विस्तृत जानकारी उपलब्ध नभएको भए तापनि अगाडिको भागमा अन्डर–डिस्प्ले क्यामर हुने स्पष्ट रूपमा उल्लेख गरिएको छ। यदि यो अफवाह सही साबित भयो भने एप्पलले अब अल–स्क्रिन आईफोन १९ प्रो ल्याउनेछ भनि जीएसएमएरिनाले उल्लेख गरिएको छ।