Technology Khabar १० जेष्ठ २०८२, शनिबार
काठमाडौं ।
आजभोलि इन्टरनेट सर्च (खोज) अझ व्यक्तिगत बन्दै गइरहेको छ भने उत्तरहरू पनि थप “स्मार्ट” हुँदै गइरहेका छन्।
आफ्नो वार्षिक आई÷ओ विकासकर्ता सम्मेलनमा, अमेरिकी प्रविधि कम्पनी गुगलले आफ्नो वेब ब्राउजरमा जेमिनी च्याटबट प्रस्तुत गर्ने, नयाँ भिडियो क्रियसन टुल र अन्य धेरै समाचारका साथै नयाँ अपडेटहरू प्रस्तुत गर्ने घोषणा गरेको छ।
वेब सर्च (खोज) को लागि गुगलको आर्टिफिसियल इन्टेलिजेन्स (कृत्रिम बुद्धिमत्ता) मोडले “डीप रिसर्च” मार्फत अझ बढी निजीकरण, राम्रो उत्तरहरू ल्याउनुका साथै वित्तीय र खेलकुद प्रश्नहरूको लागि ग्राफहरू उत्पन्न गर्ने जस्ता क्षमताहरू प्रदान गर्ने भएको छ।
यसको अतिरिक्त, टेक्स्चुअल क्वेरिज (पाठ्य प्रश्नहरू) वा ईमेजेज (तस्बिहरू) मा आधारित भिडियोहरू बनाउनका लागि भिओ३ र इमेजिन ४ मोडेलहरू प्रयोग गर्ने नयाँ फ्लो टुल (उपकरण) प्रस्तुत गरिएको टेलिग्राफले रिपोर्ट गरेको छ।
फ्लोले प्रयोगकर्ताहरूलाई सिन (दृश्य) हरू कम्बाइन (संयोजन) गर्न, साउण्ड इफेक्ट (ध्वनि प्रभाव) हरू थप्न र लामो भिडियोहरू सिर्जना गर्न अनुमति दिनेछ जसले फिल्ममेकिङ्गको लोकतन्त्रीकरणलाई सक्षम बनाउने गुगलले बताएको छ।
कम्पनीले नयाँ जेमिनी एआई मोडेल (जेमिनी २.५ प्रो) पनि लन्च गरेको छ जसले सुधारिएको रिजनिङ (तर्क) र कोडिङ क्षमताहरू ल्याएको छ। साथै जटिल गणितीय र प्रोग्रामिङ प्रश्नहरूको लागि “डीप थिङ्क” मोड पनि ल्याइएको उल्लेख गरिएको छ।
प्रयोगकर्ताहरूले भविष्यमा जीमेल प्रयोग गर्ने क्रममा, आर्टिफिसियल इन्टेलिजेन्स (कृत्रिम बुद्धिमत्ता) ले उनीहरूको इनबक्स र गुगल ड्राइभबाट कन्टेण्ट (सामग्री) को आधारमा व्यक्तिगत इमेल सुझावहरू उत्पन्न गर्ने बताइएको छ र यो सुविधा जुलाईदेखि वेब र आईओएसका साथै एन्ड्रोइड अपरेटिङ सिस्टमहरूमा अंग्रेजीमा उपलब्ध हुनेछ।
गुगलले एउटा नयाँ सुविधाको पनि परीक्षण गरिरहेको जनाइएको छ जसले प्रयोगकर्ताहरूलाई आफ्नो फोटो अपलोड गर्न, आफूले चाहेको लुगामा भर्चुअल रूपमा प्रयास गर्न र त्यसमा राम्रो देखियो कि देखिएन भनेर निर्धारण गर्न अनुमति दिनेछ।
यो सुविधाले मानव शरीर र कपडाले विभिन्न शरीरहरूमा कसरी व्यवहार गर्छ भनेर बुझ्ने आर्टिफिसियल इन्टेलिजेन्स (कृत्रिम बुद्धिमत्ता) मोडेल प्रयोग गर्दछ जसले यसलाई लगाउने व्यक्तिमा कपडाको यथार्थपरक प्रतिनिधित्व गर्न अनुमति दिनेछ।
गुगलको स्टारलाइन परियोजना बिस्तारै गुगल बीममा विकसित हुँदैछ। साथै यो प्लेटफर्मले २डी भिडियो स्ट्रिम्सलाई रियलिस्टक (यथार्थपरक) थ्रीडी भिडियो कलहरूमा रूपान्तरण गर्न उन्नत प्रविधि प्रयोग गर्दछ।
गुगल मीट प्लेटफर्म मार्फत सञ्चारलाई सरलीकृत गरिने र प्रयोगकर्ताहरू बीचको कुराकानीहरू स्वचालित रूपमा रियल टाइम (वास्तविक समय) मा इच्छित भाषामा अनुवाद हुने कम्पनीले बताएको छ।
प्रकाशित: १० जेष्ठ २०८२, शनिबार
