हरित यातायातलाई टेवाः टेस्ला चार्जिङमा जापानको सम्भावित अनुदान

काठमाडौं ।

जापान र संयुक्त राज्य अमेरिकाबीच भइरहेको भन्सार सम्बन्धी छलफलको क्रममा जापानले टेस्ला कम्पनीका विद्युत् सवारी साधन चार्ज गर्ने स्थानहरू निर्माणका लागि अनुदान दिन सक्ने सङ्केत गरेको छ।

जापानी समाचार संस्था टि.बी.एस.ले दिएको जानकारी अनुसार अमेरिकाका व्यापार प्रतिनिधि जेमिसन ग्रियरले जापानको हालको अनुदान नीतिप्रति चिन्ता व्यक्त गर्दै टेस्लाको चार्ज गर्ने सञ्जाललाई पनि अनुदानमा समावेश गर्न आग्रह गरे।

अहिले जापानी सरकारले केवल आफ्नै प्रविधि ‘चाडेमो’ प्रयोग गरेर बनाइएका चार्ज गर्ने स्थानहरूलाई मात्र आर्थिक सहयोग दिँदै आएको छ।

यद्यपि, टेस्लाका सवारी साधनले चाडेमो चार्ज गर्ने स्थानमा विशेष यन्त्रको सहयोगमा चार्ज गर्न सक्छन्, तर चाडेमो प्रविधि भएका सवारी साधनले टेस्लाको चार्ज गर्ने स्थान प्रयोग गर्न सक्दैनन्।

जापान र अमेरिका तेस्रो चरणको भन्सार वार्ताको तयारीमा छन्। जापानका प्रमुख वार्ताकार र्योसेई अकाजावा छिट्टै अमेरिका जाने तयारीमा रहेको बताइएको छ। रासस/सिन्ह्वा