एप्पलको २०२७ डिभाइस लाइनअपमा फोल्डेबल आईफोन र स्मार्ट ग्लासेस समावेश

काठमाडौं ।

एप्पलको २०२७ डिभाइस लाइनअपमा सामान्य रूपमा नयाँ आईफोन, आईप्याड र म्याक मोडेलहरू समावेश हुनेछन्। तर ती डिभाइसहरूसँग नयाँ आईफोन प्रो मोडेल, फोल्डेबल आईफोन र स्मार्ट ग्लासेसहरू पनि सामेल हुने ब्लूमबर्गका मार्क गर्मनले खुलासा गरेका छन्।

नयाँ आईफोन प्रो र फोल्ड मोडेलहरू आईफोनको २०–वर्षे वार्षिकोत्सवको लागि भनेर समयमै लन्च गरिने बताइएको छ। यस अघि गर्मनले डिभाइसले आईफोन १९ प्रोमा “ग्लासको व्यापक प्रयोग गर्ने” खुलासा गरेका थिए।

साथै अब डिभाइसमा कर्भ डिजाइन रहेको भन्ने थप विवरणहरू प्राप्त भएको छ। यसमा कुनै पनि डिस्प्ले कटआउटहरू नहुने बताइएको छ। त्यसैले एप्पलले अन्ततः अन्डर–डिस्प्ले फेस आईडी सलुसन प्रदान गर्न लागेको उल्लेख गरिएको छ।

एप्पलको पहिलो फोल्डेबलमा ७.८ इन्चको मुख्य डिस्प्लेमा “लगभग अदृश्य” डिस्प्ले क्रिज हुने उल्लेख गरिएको छ भने उक्त प्यानल विशेष रुपमा सामसङ डिस्प्ले–निर्मित भएको बताइएको छ। यसले आईफोन फोल्डलाई यसको प्रतिस्पर्धीहरूबाट छुट्याउन मद्दत गर्ने अफवाह पनि रहेका छन्।

यस बाहेक एप्पलको २०२७ को स्टोरमा ब्रान्डको पहिलो स्मार्ट ग्लासेस पनि रहेको नयाँ रिपोर्टले सुझाव दिएको छ। यी रे–ब्यान मेटा ग्लासेससँग बढी मिल्दोजुल्दो हुनेछ भने भिजुअल इन्टेलिजेन्स सुविधाहरू प्रदान गर्ने धेरै क्यामराहरूको साथ एप्पल इन्टेलिजेन्स फिचर गर्ने उल्लेख गरिएको छ।

गर्मनका अनुसार एप्पलले भिजुअल इन्टेलिजेन्सको लागि बिल्ट–इन क्यामराहरू सहित एप्पल वाच र एयरपड मोडेलहरू लन्च गर्न खोजिरहेको जीएसएमएरिनाले उल्लेख गरेको छ।