आईटी पढ्दै गरेका विद्यार्थीलाई छात्रवृत्ति प्रदान गर्दै सूचना प्रविधि विभाग, यसरी दिनुहोस् आवेदन

काठमाडौं ।

सूचना प्रविधि विभागले सूचना प्रविधि विषयमा अध्ययनरत विद्यार्थीहरुलाई छात्रवृत्ति प्रदान गर्ने भएको छ।

विभागले छात्रवृत्ति सम्बन्धी कार्यविधि, २०८१ अनुरूप स्वदेशी विश्वविद्यालय वा त्यस्तो विश्वविद्यालयको आंगिक वा सम्बन्धन प्राप्त शिक्षण संस्थामा सूचना प्रविधि विषय लिई स्नातक, स्नातकोत्तर एम. फिल. वा विद्यावारिधि तहमा अध्ययनरत विद्यार्थीहरूलाई निर्धारित कोटामा जनही एकमुष्ट रु. ५०,०००/- (पचास हजार रुपैयाँ) छात्रवृत्ति प्रदान गर्ने भएको हो।

विभागले आज एक सूचना प्रकाशित गरी हुँदा इच्छुक विद्यार्थीहरूबाट यो सूचना प्रकाशित भएको मितिले १५ (पन्ध्र) दिन भित्र तोकिएको ढाँचा अनुसार निवेदन र आवश्यक कागजातहरू सहित कार्यालयमा रीतपूर्वक दरखास्त दिन तथा वा दरखास्त दिन सकिने जनाएको छ।

यसबाहेक दरखाता तथ ज अन्य कागजातहरू स्क्यान गरी विभागको इमेल ठेगाना [email protected]. np मा पठाउन पठाउने व्यवस्था समेत गरेको छ।

“सूचना प्रविधि विषयमा अध्ययनरत विद्यार्थीका लागि छात्रवृत्ति सम्बन्धी कार्यविधि २०६१ र सूचना यस विभागको वेबसाइट https://doit.gov.np/ बाट प्राप्त गर्न सकिने व्यहोरा सम्बन्धित सबैमा जानकारीका लागि अनुरोध छ म्याद नाघी वा रीत नपुगी आएका दरखास्त उपर कुनै कारबाही हुनेछैन’,सूचनामा उल्लेख छ।

संलग्न गर्नु पर्ने कागजातहरू :
(क) नेपाली नागरिकताको प्रमाणपत्रको प्रमाणित प्रतिलिपि।
(ख) शैक्षिक योग्यताका प्रमाणपत्र/लब्धापत्रका प्रमाणित प्रतिलिपि।
एस.एल.सी.।
(ग) सरकारी वा सामुदायिक विद्यालयबाट एस.इ.इ./एस. एल. सी. अध्ययन गरेको भए सम्बन्धित स्थानीय तहबाट सरकारी वा सामुदायिक विद्यालय हो भनी प्रमाणित सिफारिस पत्र।
(घ) आर्थिक विपन्नताको हकमा स्थानीय तहको सिफारिस पत्र।