२डीबाट थ्रीडीमा सोझै स्विच गर्न मिल्ने लेनोभोको १८ इञ्चको आधुनिक ल्यापटप लेजियन ९आई

काठमाडौं ।

लेनोभोको १०औं पुस्ताको लेजियन ९आईले आफ्नो शक्तिशाली स्पेसिफिकेसनसँगै एउटा नयाँ विशेषता ल्याएको छ। १८-इन्चको यो गेमिङ ल्यापटपमा यस्तो स्क्रिन राख्न सकिन्छ जसले २डी र चस्मा बिना नै हेर्न मिल्ने ३डीबीच स्विच गर्न सक्छ।

यो ल्यापटप चीनमा पहिलोपटक उपलब्ध भएको छ र अमेरिकामा यो शरद ऋतुमा आउने भनिएको छ। हालको शुल्क नीतिको वातावरणमा विदेशी कम्पनीले दिन सक्ने स्पष्टताको हिसाबले यस्तो अस्पष्ट मिति नै यथार्थपरक मान्न सकिन्छ।

इन्ग्याजेटका अनुसार लेजियन ९आईको १८-इन्च स्क्रिनले २डीमा अधिकतम ४के रेजोल्युसन सपोर्ट गर्छ। तर आँखा ट्र्याक गर्ने प्रविधि र लेन्टिकुलर लेन्सको संयोजनमार्फत यसको वैकल्पिक सेटअपले चस्मा बिना नै २के ३डी सपोर्ट गर्छ।

यो प्रभावले साइड-बाइ-साइड र टप-डाउन दुवै लेआउटमा काम गर्छ र हालसम्म नाम नखुलाइएका ३० वटा गेम सपोर्ट गर्छ। भिडियो, तस्बिर र स्ट्रिमिङ सामग्री ३डीमा हेर्न सकिने भए पनि लेनोभो ले यो ल्यापटप ३डी मोडलिङ गर्ने डिजाइनरहरूलाई लक्षित गरेर बनाएको हो।

२डी मोडमा स्क्रिनले दुई मोड सपोर्ट गर्छ — ४के रेजोल्युसनमा २४० हर्ज रिफ्रेस रेट र १०८०पिमा ४४० हर्ज रिफ्रेस रेट। लेजियन ९आईको स्क्रिन-टु-बडी अनुपात ९३ प्रतिशत छ।

यो ल्यापटपको च्यासिस आठ तहको एभिएसन-ग्रेड कार्बन फाइबरबाट बनेको छ। लेनोभो का अनुसार यो एलुमिनियमभन्दा हल्का र बलियो छ, र यसको निर्माण प्रक्रिया यति विशिष्ट छ कि प्रत्येक युनिट फरक देखिन्छ।

अन्य स्पेसिफिकेसनहरूमा एनभिडिया आरटीएक्स ५०९० जीपीयूसम्मको विकल्प, इन्टेल कोर अल्ट्रा २७५एचएक्स प्रोसेसर, १९२ जीबी डुअल-च्यानल डीडआर५ र्याम र ८ टीबी एसएसडी समावेश छन्।

यसको कूलिङ प्रणालीमा भेपर च्याम्बर र चारवटा फ्यान प्रयोग गरिएको छ। लेनोभोले यसको मूल्य घोषणा गरिसकेको छैन, तर स्पेसिफिकेसन र लेजियन ९आईको अघिल्लो इतिहास हेर्दा, यसको मूल्य केही हजार डलरभन्दा कम हुने सम्भावना देखिँदैन।