टीएसएमसीले १.४एनएम प्रोसेस आधिकारिक रूपमा घोषणा गर्यो

काठमाडौं ।

सन् २०२४ को जुन महिनामा सामसङले आफ्नो फाउन्ड्रीमा ४एनएम, २एनएम, र १.४एनएम प्रोसेस (प्रक्रिया) नोडहरूको आविष्कारहरूको घोषणा गरेको थियो।

अब, टीएसएमसी (ताइवान सेमीकन्डक्टर म्यानुफ्याक्चरिङ कम्पनी) ले पनि आफ्नो नवीनतम अत्याधुनिक १.४एनएम प्रोसेस (प्रक्रिया) प्रविधि प्रदर्शन गरेको छ जसले एनभिडिया, एप्पल र एएमडीका साथै अन्य टेक जायन्टहरूका भविष्यका उत्पादनहरूलाई शक्ति दिनेछ।

विश्वको सबैभन्दा ठूलो अनुबंध चिप निर्माताले १.४एनएम ए१४ प्रोसेस (प्रक्रिया) सन् २०२८ मा २एनएम प्रोसेस (प्रक्रिया) को तुलनामा विभिन्न सुधारहरू सहित उत्पादनमा प्रवेश गर्ने खुलासा गरेको छ। यसमा पावर ड्रमा ३० प्रतिशत कटौती समावेश रहेको छ भने प्रदर्शन लगभग १५ प्रतिशतले बढाइने बताइएको छ। त्यसैगरी, टीएसएमसीको २एनएम प्रक्रिया यस वर्षको उत्तरार्धमा उत्पादनमा आउने उल्लेख गरिएको छ।

टीएसएमसीको ग्राहक सूची विविध भएकोले अर्को पुस्ताको प्रक्रियाले भविष्यका आईफोनहरू, एनभिडिया जीपीयूहरू, एएमडी चिप्स र धेरै कुराहरूलाई शक्ति दिने सम्भावनाको उल्लेख गरिएको छ।

टीएसएमसीका अनुसार, लोजिक डेनसिटिमा २० प्रतिशत वृद्धि गरिने भएको छ जसले २एनएम प्रक्रियाको तुलनामा प्रदर्शन बढाउन अनुमति दिनेछ। हालको टीएसएमसी ३एनएम प्रक्रियासँग तुलना गर्दा, १.४एनएम मूलतः ३० प्रतिशतसम्म छिटो र ६० प्रतिशत बढी इफिसियन्ट हुनेछ।

एप्पलको नयाँ आईफोन १७ लाइनअपले ए सिरिज चिपहरूको लागि नवीनतम एन३पी नोड (३एनएम) प्रयोग गर्ने अपेक्षा गरिएको छ र २एनएम सहितको परिवर्तन भने केही वर्ष पछि आउन सक्ने बताइएको छ। त्यसैगरी १.४एनएम प्रक्रियासहितका प्रविधि आउनको लागि अझै केही पुस्ता पर्खनु पर्ने गीज्मोचाइनाले उल्लेख गरेको छ।