रकेटल्याबद्वारा ‘कस्टमाइज’ गर्न मिल्ने नयाँ प्रकारका सौर्य प्यानलहरूको श्रृङ्खला सार्वजनिक

काठमाडौं ।

क्यालिफोर्नियास्थित रकेटल्याब कम्पनीले ग्राहक उपग्रहहरूको बदलिँदो आवश्यकतालाई ध्यानमा राखेर अनुकूलन गर्न मिल्ने नयाँ प्रकारका सौर्य प्यानलहरूको परिवार सार्वजनिक गरेको छ।

रकेट ल्याबले नयाँ स्ट्यान्डर्डाइज्ड एरे, वा स्टारे लाइन प्रस्तुत गर्दै पहिलोपटक वा एकपटक उपग्रह निर्माण गर्नेहरूलाई आफ्नै सौर्य प्यानल डिजाइन र परीक्षण गर्नुपर्ने समय बचाउने विकल्प दिएको हो।

यो लाइन यसै महिनाको सुरुवातमा कोलोराडो स्प्रिङ्स, कोलोराडोमा आयोजित ४०औँ स्पेस सिम्पोजियममा सार्वजनिक गरिएको थियो।

“ग्राहकहरूले विभिन्न पूर्व-इञ्जिनियर गरिएको सौर्य प्यानल कन्फिगरेसनहरूमध्ये आफ्नो प्रयोगका लागि उपयुक्त विकल्प चयन गर्न सक्छन्, र रकेट ल्याबको परीक्षण-प्रमाणित भरपर्दो उत्पादन क्षमता र छिटो निर्माण प्रक्रियाको फाइदा उठाउन सक्छन्,” रकेट ल्याबका स्पेस सिस्टम्स उपाध्यक्ष ब्राड क्लेभेन्जरले एक वक्तव्यमा भनेका छन्।

स्टाररे लाइनले सात फरक आकारका सौर्य प्यानलहरू प्रस्ताव गर्दछ, जसको विद्युत उत्पादन क्षमता १०० वाटदेखि २,००० वाटभन्दा माथिसम्म हुन्छ। “हाम्रो लक्ष्य छोटो निर्माण समय र कम लागतमा विशेष मिसनअनुकूल सेवा प्रदान गर्नु हो,” क्लेभेन्जरले वक्तव्यमा भनेका छन्।

सन् २०२२ मा, रकेट ल्याबले स्पेस सौर्य पावर प्रविधिमा काम गर्ने कम्पनी सोलएरोलाई खरिद गरेको थियो, जसले कम्पनीको स्पेस सिस्टम क्षमतामा थप विस्तार गर्‍यो। सो सम्झौताले रकेट ल्याबलाई आफ्नै उत्पादन प्रक्रियामा सौर्य सेलहरू समावेश गर्ने अवसर दिएको थियो।

अहिले, कम्पनीसँग पूर्ण रूपमा एकीकृत सौर्य प्यानल उत्पादन प्रणाली छ, जसले सौर्य सेल, एसेम्बली र सौर्य प्यानल सबसिस्टमहरूदेखि पूर्ण सौर्य एरे निर्माणसम्मको प्रक्रिया सहज बनाएको छ।

अन्तरिक्ष क्षेत्रमा आफ्नो दक्षता अझै विस्तार गर्दै, रकेट ल्याब हालै अमेरिकी सेनाको अर्बौँ डलरको हाइपरसोनिक प्रविधि निर्माण कार्यक्रमका लागि सम्भावित साझेदारका रूपमा पनि छनोट भएको छ।

साथै, कम्पनीको हाइपरसोनिक एक्सेलेरेटर सबअर्बिटल टेस्ट इलेक्ट्रोन  (एचएएसटीई) रकेटमार्फत अमेरिकी डिफेन्स इनोभेसन युनिटको हाइपरसोनिक र उच्च-गतिको हवाई परीक्षण कार्यक्रमअन्तर्गत डार्ट एई मिसन प्रक्षेपण गर्ने तालिका रहेको छ।