Technology Khabar १४ बैशाख २०८२, आईतवार
काठमाडौं ।
मोटोरोलाले भर्खरै आफ्नो पहिलो क्वाड–कर्भ मोडेलको रूपमा एज ६० सिरिज अनावरण गरेको छ। मोटोरोला एज ६० प्रो र एज ६० प्यान्टोन–क्युरेटेड रङ्गहरू र नयाँ टेक्सचर्ड ब्याकिङहरूको छनोटका साथ आएको उल्लेख छ।
दुबै फोनहरूमा एकै समानको उही ६.७–इन्चको क्वाड–कभ्र्ड पी–ओएलईडी स्क्रिन समावेश गरिएको छ जुन मोटोले ४,५०० निट्समा अहिलेसम्मकै सबैभन्दा चम्किलो भएको बताएको छ। स्क्रिन २७१२×१२२०पीएक्स एचडीआर१०+ प्यानल भएको बताइएको छ जसमा १२० हर्ज रिफ्रेस रेट उपलब्ध छ। दुबै फोनहरूले पछाडि समान ५० मेगापिक्सेलको १/१.५६–इन्च सोनी लिटिया एलवाईटी–७००सी मुख्य शूटरको साथ ट्रिपल क्यामरा प्रणाली पनि समावेश गरेका छन्।
यसमा पीडीएएफ सहितको ५० मेगापिक्सेलको एफ/२.० अल्ट्रावाइड, १० मेगापिक्सेलको सेन्सर र ५०× सम्मको सुपर जुम सहितको ७३एमएम एफ/२.० ३× जुम क्यामरा, र अगाडिको भागमा ५० मेगापिक्सेलको एफ/२.० सेल्फी क्यामरा समावेश रहेका छन्।
साथै दुबै स्मार्टफोनहरू आईपी६८ र आईपी६९ धुलो र पानी सुरक्षा, अत्यधिक तापक्रमको लागि एमआईएल–एसटी–८१०एच सर्टिफिकेसन, ९५ प्रतिशत ह्यूमिडिटी, हाई अल्टिट्युडका र १.५ मिटर सम्मको ड्रप जस्ता इन्हान्स ड्युरेबिलिटीको साथ आउने बताइएको छ।
मोटोरोला एज ६० प्रो तीन फिनिशहरूमा पाउन सकिने बताइएको छ र प्रत्येकको फरक अनुभूति हुने उल्लेख गरिएको छ। प्यान्टोन स्याडोमा लेदर–लाइक (छाला जस्तो) ब्याकिङ रहेको छ भने प्यान्टोन ड्याजलिङ ब्लूमा नायलन–प्रेरित टेक्सचर्ड फिनिश समावेश गरिएको छ। त्यसैगरी प्यान्टोन स्पार्कलिङ ग्रेपमा स्यान्डपेपर–एस्क रियर प्यानल रहेको उल्लेख गरिएको छ।
एज ६० प्रोमा ४एनएम डाइमेन्सिटी ८३५० एसओसी समावेश गरिएको छ जुन ८जीबी वा १२जीबी एलपीडीडीआर४एक्स र्याम (र्याम बूस्ट मार्फत विस्तार गर्न सकिने) सँग जोडिएको छ। साथै २५६जीबी वा ५१२जीबी को यूएफएस ४.० स्टोरेज उपलब्ध हुने बताइएको छ।
मोटोरोला एज ६० प्रोमा विशाल ६,०००एमएएच ब्याट्री समावेश गरिएको छ जुन यसको पूर्ववर्तीमा रहेको ४,५००एमएएच भन्दा ठूलो फड्को भएको बताइएको छ। यस ब्याट्रीले ९० वाट टर्बोपावर वायर्ड र १५ वाट वायरलेस चार्जिङलाई समर्थन गर्दछ।
मोटोरोलाले एज ६० सिरिजमा आफ्नो इन्हान्स्ड (परिष्कृत) मोटो एआई ल्याएको उल्लेख छ। नेक्स्ट मुभले तपाईंको स्क्रिनमा के छ भनेर पहिचान गर्ने (रेसिपी पढ्ने, संगीत प्लेलिस्ट सिर्जना गर्ने, क्यालेन्डर रिमाइन्डर थप्ने, आदि) छ। इमेजिङ पक्षमा, मोटोरोलाले विवरणहरू फाइन–ट्यून गर्न, आवाज कम गर्न र अप्टिमाइज इमेजहरू प्रदान गर्न फोटो इन्हान्समेन्ट इन्जिन प्रस्तुत गरेको छ। प्यान्टोन फोनको भौतिक उपस्थितिमा समाप्त नहुने र यो मानिसहरूको फोटोहरूको लागि प्यान्टोन भ्यालिडेटेड स्किनटोन पनि उपलब्ध भएको बताइएको छ।
डिस्प्ले पनि प्यान्टोन भ्यालिडेटेड भएको उल्लेख गरिएको छ र फोनको स्टेरियो स्पिकरहरू डल्बी एटमस भएको बताइएको छ।
मोटोरोला एज ६० नायलन जस्तो प्यान्टोन जिब्राल्टर सि (सागर), छाला जस्तो प्यान्टोन शमरोक, र स्यान्डपेपर जस्तो प्यान्टोन प्लम परफेक्टमा आउने बताइएको छ। मोटोरोला एज ६० को दुईवटा संस्करणहरू उपलब्ध हुने छन् जस अनुसार एउटामा ५,२००एमएएच ब्याट्री हुनेछ भने ५,५००एमएएच ब्याट्री भएको मोडेल पनि आउने बताइएको छ। साथै दुबै युनिट ६८ वाट टर्बोपावर (वायर्ड) मार्फत चार्ज हुने उल्लखे गरिएको छ।
मोटोरोला एज ६० मा ८जीबी वा १२जीबीको एलपीडीडीआर४एक्स र्याम र २५६जीबी वा ५१२जीबीको बिल्ट–इन स्टोरेजको साथ डाइमेन्सिटी ७३०० एसओसी समावेश गरिएको छ। प्रो भन्दा फरक, एज ६० मा माइक्रोएसडी कार्ड स्लट पनि रहेको छ।
मोटोरोला एज ६० सिरिज एसिया, युरोप, ल्याटिन अमेरिका र ओशिनियाका छनौट गरिएका देशहरूमा उपलब्ध हुनेछ। यी मोडेलहरू अमेरिकामा भने लन्च नहुने उल्लेख गरिएको छ। फोनहरू केही बजारहरूमा तिनीहरूको सम्बन्धित ९० वाट र ६८ वाट चार्जरहरूसँग ढुवानी गरिने छन्।
मोटोरोला एज ६० को मूल्य ३८० पाउण्डबाट सुरु हुनेछ भने मोटोरोला एज ६० प्रो को मूल्य ६०० पाउण्ड बाट सुरु हुने जीएसएमएरिनाले उल्लेख गरेको छ।
प्रकाशित: १४ बैशाख २०८२, आईतवार
