पर्प्लेक्सिटीको आईओएस एपमा एआई भ्वाइस असिस्टेन्ट उपलब्ध

काठमाडौं ।

एआई कम्पनी पर्प्लेक्सिटीले फेब्रुअरीमा आफ्नै कमेट नाम गरेको ब्राउजर बनाइरहेको घोषणा गरेको थियो। हालै टीबीपीएन पोडकास्टमा दिएको अन्तर्वार्तामा सीईओ अरविन्द श्रीनिवासले कम्पनीले प्रयोगकर्ताको डेटा संकलन गरी लक्षित विज्ञापन बेच्न आफ्नो कृत्रिम बुद्धिमत्ता (एआई) केन्द्रीत मार्गबाट बाहिरिँदै ब्राउजर निर्माणमा लागेको जानकारी दिएका छन्।

“हामी ब्राउजर बनाउन चाहने अर्को कारण यही हो, हामी तपाईंको एप बाहिरको व्यवहार पनि बुझ्न चाहन्छौं,” उनले भने। “हामी सबै सन्दर्भ प्रयोग गरेर राम्रो प्रयोगकर्ता प्रोफाइल बनाउने योजना बनाइरहेका छौं र, सम्भवतः, तपाईंलाई हाम्रो डिस्कभर फिडमार्फत केही विज्ञापन देखाउन सक्नेछौं।”
यदि यो सबै सुन्दा केही परिचित लाग्छ भने, त्यो गुगल को क्रोम ब्राउजरले पनि यस्तै रणनीति अपनाएकोले हुन सक्छ। वास्तवमा कमेट गुगलको ओपन-सोर्स ब्राउजर बेस क्रोमियममा आधारित छ।

इन्ग्याजेटका अनुसार हालैको अनलाइन खोजसम्बन्धी एकाधिकार मुद्दापछि क्रोमको सम्भावित बिक्रीबारे सुनुवाइ चलिरहेको छ। त्यस सन्दर्भमा पर्प्लेक्सिटीका चिफ मार्केटिङ अफिसर दिमित्री शेभेलेन्कोले कम्पनीले क्रोम हालको स्तरमा सञ्चालन गर्न सक्षम हुने बताएका छन्।

उनले ओपनएआई ले क्रोम खरिद गर्न चाहेकोमा चासो देखाएका छैनन्।
पर्प्लेक्सिटीले आफ्नो आईओएस एपको नयाँ अपडेट सार्वजनिक गरेको छ, जसले आईफोन प्रयोगकर्तालाई आफ्नो एआई भ्वाइस असिस्टेन्टको सुविधा उपलब्ध गराउँछ। यो असिस्टेन्ट पहिले एण्ड्रोइड प्रयोगकर्ताका लागि मात्र उपलब्ध थियो।

भ्वाइस असिस्टेन्टले प्रयोगकर्ताको लागि वेब ब्राउज गरेर वा अन्य एप प्रयोग गरेर कार्यहरू सम्पन्न गर्न सक्छ। उदाहरणका लागि, प्रयोगकर्ताले कुनै रेस्टुरेन्टमा टेबल खोज्न भन्न सक्नेछन्, र पर्प्लेक्सिटी ले ओपन टेबल एप खोलिदिनेछ—व्यक्तिको संख्या, मिति र समय पहिल्यै भरिएको अवस्थामा। प्रयोगकर्ताले अन्तिम क्लिक गरेर मात्र बुकिङ गर्नुपर्ने हुन्छ।

प्रयोगकर्ताले यस असिस्टेन्टलाई विशेष सम्पर्कहरूको लागि इमेल ड्राफ्ट गर्न पनि भन्न सक्नेछन्, जसलाई उनीहरूले आफैंले पठाउनुपर्ने हुन्छ। यस्तै, यो असिस्टेन्टले क्यालेन्डरमा रिमाइन्डर पनि बनाइदिन सक्छ।

प्रयोगकर्ताले आफू जान चाहने स्थानहरू—जस्तै, कुनै विशेष खाना पाइने रेस्टुरेन्ट—सिफारिस गर्न पनि भन सक्नेछन्, र पर्प्लेक्सिटी ले ती स्थानहरू नक्शामा चिन्ह लगाइदिनेछ। साथै, प्रयोगकर्ताले वेब सर्च गर्न पनि असिस्टेन्टलाई प्रयोग गर्न सक्नेछन्—जस्तै, कुनै विशेष भिडियो खोज्न, जसलाई पर्प्लेक्सिटीले यूट्युब एपमा खोलिदिनेछ।