Technology Khabar १३ बैशाख २०८२, शनिबार
काठमाडौं ।
मोटोरोलाले विश्वव्यापी रूपमा आफ्नो नयाँ फोल्डेबल स्मार्टफोनहरू रेजर ६० र रेजर ६० अल्ट्रा (जसलाई रेजर र रेजर अल्ट्रा २०२५ पनि भनिन्छ) लन्च गरेको छ। दुबै फोनहरूले डिजाइन, डिस्प्ले, पर्फमेन्स र एआई–संचालित सुविधाहरूमा प्रमुख अपग्रेडहरू ल्याएको उल्लेख गरिएको छ।
रेजर ६० अल्ट्रा एड्रेनो ८३० जीपीयू सहितको स्न्यापड्रागन ८ एलिट ३ एनएम चिपसेटमा चल्ने उल्लेख गरिएको छ। यो १६जीबी एलपीडीडीआर४एक्स र्याम र ५१२जीबी यूएफएस ४.१ स्टोरेजको साथ आउँदछ।
यसमा १–१६५ हर्ज रिफ्रेस रेट, डल्बी भिजन, प्यान्टोन भ्यालिडेशन, र ४,००० निट्स सम्मको ब्राइटनेसको साथ ७–इन्च १.५ के पीओएलईडी एलटीपीओ आन्तरिक डिस्प्ले रहेको छ।
४ इन्चको बाह्य पीओएलईडी एलटीपीओ स्क्रिनले १–१६५ हर्ज रिफ्रेस रेटलाई पनि समर्थन गर्दछ र ३,००० निट्स ब्राइटनेससम्म पुग्ने बताइएको छ। यो गोरिल्ला ग्लास सेरामिकद्वारा सुरक्षित गरिएको उल्लेख छ।
नियमित रेजर ६० मिडियाटेक डाइमेन्सिटी ७४००एक्स प्रोसेसरमा चल्ने उल्लेख गरिएको छ र २५६जीबी यूएफएस २.२ स्टोरेजको साथ ८जीबी एलपीडीडीआर४एक्स रहेको छ।
यसमा १–१२० हर्ज रिफ्रेस रेट र ३००० निट्स पिक ब्राइटनेसको साथ ६.९६ इन्चको एफएचडी+ पीओएलईडी एलटीपीओ आन्तरिक स्क्रिन रहेको छ। ३.६३ इन्चको बाह्य पीओएलईडी डिस्प्ले ९० हर्ज मा चल्ने र १७०० निट्स सम्म पुग्ने बताइएको छ। यो गोरिल्ला ग्लास भिक्टसद्वारा सुरक्षित गरिएको उल्लेख छ।
दुबै फोनहरूमा आईपी४८ धुलो र पानी प्रतिरोध रेटिङ्ग रहेको छ भने टाइटेनियम–रिइन्फोस्र्ड हिन्ज प्रयोग गरिएको उल्लेख छ। मोटोरोलाले उक्त हिन्ज सर्जिकल–ग्रेड स्टेनलेस स्टील भन्दा ४ गुणा बलियो भएको र पहिलेको भन्दा ३५ प्रतिशत बढी फोल्डहरू ह्यान्डल गर्न सक्ने दाबी गरेको छ। तिनीहरूमा स्मुथ डिस्प्ले मुभमेन्ट र सुधारिएको टिकाउपनको लागि अल्ट्रा थिन ग्लास रहेको जनाइएको छ।
रेजर ६० अल्ट्रामा मुख्य, अल्ट्रा–वाइड र फ्रण्ट क्यामराहरू सहितको ट्रिपल ५० मेगापिक्सेल क्यामरा प्रणाली रहेको छ। यसले डल्बी भिजन भिडियो र डल्बी एटमस साउण्डलाई समर्थन गर्दछ।
मानक रेजर ६० मा ५० मेगापिक्सेलको मुख्य सेन्सर, १३ मेगापिक्सेलको अल्ट्रा–वाइड र म्याक्रो लेन्स, र ३२ मेगापिक्सेलको फ्रण्ट क्यामरा समावेश गरिएका छन्। त्यसैगरी दुबै फोनहरूमा एड्याप्टिभ स्टेबलाइजेसन, एक्सन शट, ग्रुप शट, फोटो इन्हान्समेन्ट इन्जिन र सिग्नेचर स्टाइल जस्ता एआई–संचालित क्यामरा इन्हान्समेन्टहरू समावेश छन्।
सफ्टवेयरमा, मोटोरोलाले मोटो एआई प्रस्तुत गरेको छ। प्रयोगकर्ताहरूले क्याच मी अप, पे अटेन्सन, रिमेम्बर दिस र स्मार्ट कनेक्ट जस्ता सुविधाहरू पाउनेछन्। अल्ट्रा भेरियन्टले डेडिकेटेड एआई की र लुक एण्ड टक थपेको बताइएको छ जसले प्रयोगकर्ताहरूलाई फोनलाई हेरेको भरमा मात्रै मोटो एआई ह्यान्ड्स–फ्री सक्रिय गर्न दिनेछ।
एआईले प्रयोगकर्ताहरूलाई कार्यहरू व्यवस्थित गर्न, प्लेलिस्ट वा वालपेपरहरू उत्पन्न गर्न, कुराकानीहरू ट्रान्सक्राइब गर्न र अन्य स्क्रिनहरूमा कन्टेण्ट मिरर गर्न मद्दत पनि गर्नेछ।
रेजर ६० अल्ट्रामा ६८ वाट टर्बोपावर चार्जिङ सहितको ४७०० एमएएच ब्याट्री समावेश गरिएको छ जसले ८ मिनेटमा पूरा दिनको लागि पावर प्रदान गर्ने दाबी गरिएको छ। यसले ३० वाट वायरलेस चार्जिङ र रिभर्स चार्जिङलाई पनि समर्थन गर्दछ। रेजर ६० मा भने ४५०० एमएएच ब्याट्री रहेको छ जसको ३० वाट वायर्ड चार्जिङले १५ मिनेटमा पूरा दिनको लागि पावर प्रदान गर्ने र १५ वाटको वायरलेस चार्जिङ उपलब्ध रहेको बताइएको छ।
रेजर ६० अल्ट्रा अल्कान्टारा, रियल वुड, स्याटिन जस्ता फिनिशहरू र प्यान्टोन स्क्राब, माउन्टेन ट्रेल, क्याबरेका साथै रियो रेड जस्ता छालाबाट प्रेरित बनावटमा उपलब्ध गराइएका छन्। मानक रेजर ६० लेदर–लाइक (छाला जस्तो), नायलन जस्तो, र प्यान्टोन जिब्राल्टर सी, स्प्रिङ्ग बड, लाइटेस्ट स्काईको साथै पर्फेट पिङ्कमा एसीटेट बनावटमा आउने बताइएको छ।
रेजर ६० को रेजर+ (२०२५) भनिने एक अमेरिकी–विशेष संस्करण पनि रहेको बताइएको छ, जसमा समान डिस्प्ले र क्यामरा सेटअप समावेश गरिएको उल्लेख छ। तथापी, यसले स्न्यापड्रागन ८ एस जेन ३ चिप प्रयोग गर्ने बताइएको छ। यसमा ५० मेगापिक्सेलको मुख्य र ५० मेगापिक्सेलको टेलिफोटो लेन्स समावेश गरिएका छन्। रेजर+ (२०२५)मा रहेको ब्याट्रीको क्षमता ४०००एमएएच भएको बताइएको छ जसले ४५ वाट वायर्ड र १५ वाट वायरलेस चार्जिङ समर्थन गर्दछ।
मूल्य निर्धारण र उपलब्धताः
रेजर ६० अल्ट्राको मूल्य अमेरिकामा १,३०० अमेरिकी डलर र बेलायतमा १,१०० पाउण्ड कायम गरिएको छ। साथै रेजर ६० को मूल्य अमेरिकामा ७०० अमेरिकी डलर र बेलायतमा ८०० पाउण्ड रहेको उल्लेख गरिएको छ। अमेरिकामा प्रि–अर्डरहरू मे महिनाको ७ तारिखदेखि सुरु हुनेछ भने मे महिनाको १५ तारिखबाट पूर्ण उपलब्धता हुने बताइएको छ।
त्यसैगरी अर्को भेरियन्ट, रेजर+ (२०२५) को मूल्य १,००० अमेरिकी डलर कायम गरिएको छ र अमेरिकामा जुन महिनाको ३ तारिखदेखि मोका मूस र हट पिङ्क रङ्गमा उपलब्ध हुने गीज्मोचाइनाले उल्लेख गरेको छ।
प्रकाशित: १३ बैशाख २०८२, शनिबार
