वानप्लस १३टी चीनमा स्न्यापड्रागन ८ एलिट र ६२६०एमएएच ब्याट्रीको साथ लन्च

काठमाडौं ।

वानप्लसले बिहीबार चीनमा वानप्लस १३टी अनावरण गरेको छ। कम्पनीले कम्प्याक्ट तर सक्षम फ्ल्यागशिपको रूपमा प्रस्तुत गरेको यो नयाँ डिभाइसको मूल्य ३,३९९ युआन (लगभग ४०,००० भारतीय रुपैयाँ वा ४७० अमेरिकी डलर), र सबसिडिज सहित २,८९९ युआन (लगभग ३४,००० भारतीय रुपैयाँ वा ४०० अमेरिकी डलर) बाट सुरु हुनेछ। यो कम्प्याक्ट फोनले फ्ल्यागशिप–ग्रेड पर्फमेन्स, विशाल ब्याट्री र नयाँ डिजाइन प्याक गरेको छ।

वानप्लस १३टी ले ६.३२–इन्चको एफएचडी+ एलटीपीओ एएमओएलईडी डिस्प्ले (२६४०×१२१६, ४६० पीपीआई, १२०हर्ज, २४०० निट्स) सहित कम्प्याक्ट फ्ल्यागशिपहरूलाई पुनः परिभाषित गर्दछ भने अल्ट्रा–न्यारो बेजेल्स र ब्राइट आई प्रोटेक्शन २.० समावेश गरेको छ। यस डिभाइसको बडीको तौल ५०ः५० तौल सन्तुलन सहित १८५ ग्राम रहेको छ। त्यसैगरी वानप्लस १३टी मर्निङ मिस्ट ग्रे, पिङ्क (कोरल फ्लीस ग्लास) र क्लाउड इन्क ब्ल्याक (सिल्क ग्लास) रङ्गमा आएको उल्लेख छ जसमा फ्ल्याट मेटल फ्रेम र नयाँ “मेटल क्यूब” क्यामरा डेको रहेको छ। यसबाहेक अलर्ट स्लाइडरलाई कस्टमाइजेबल (अनुकूलन योग्य) सर्टकट कीले प्रतिस्थापन गरिएको उल्लेख छ।

स्न्यापड्रागन ८ एलिटद्वारा संचालित, १३टीले सानो स्क्रिन भएका फोनहरूको लागि पहिलो पटक, एनटुटुमा ३० लाख भन्दा बढी स्कोर गरेको छ। यसले स्मुथ डुअल इन्जिन, एआई फ्ल्यास मेमोरी र पाँच वर्षको अपडेटहरू सहित कलरओएस १५ (एन्ड्रोइड १५) चलाउने बताइएको छ। सानो स्क्रिन भएको फोनको लागि “विश्वको सबैभन्दा ठूलो” भनिएको ६,२६० एमएएच ब्याट्रीले ८० वाट फास्ट चार्जिङलाई समर्थन गर्दछ। ४४००एमएम२ भीसी र ३७,०००एमएम२ टोटल हिट डिसिपेसनको साथ ग्लेशियर कूलिङ सिस्टमले १.५के १२०एफपीएसमा “नी शुई हान” जस्ता तीव्र गेमिङको समयमा यस डिभाइसलाई चिसो राख्न मद्दत गर्नेछ।

वानप्लस १३टी ले ५० मेगापिक्सेलको सोनी एलवाईटी७०० मुख्य सेन्सर, ५० मेगापिक्सेलको २× टेलिफोटो (वानप्लसले ४× लसलेस जुम भनि दाबी गरेको छ), र ३२ मेगापिक्सेलको फ्रन्ट क्यामरा समावेश गरेको छ जुन फ्ल्यागशिप एआई इमेजिङका साथै स्याडोलेस क्याप्चरद्वारा इन्हान्स गरिएको उल्लेख छ। डिभाइसको कनेक्टिभिटीतर्फ जी१ वाई–फाई चिप, ३६० डिग्री एन्टेना प्रणाली, र ५० प्रतिशत सम्म बलियो सिग्नलहरू समावेश गरिएको छ। तथापी, यस वानप्लस १३टीमा अल्ट्रावाइड क्यामराको अभाव रहेको छ।

मूल्य निर्धारण र उपलब्धताः
वानप्लस १३टीको १२जीबी+२५६जीबी संस्करणको लागि २,८९९ युआन (३४,००० भारतीय रुपैयाँ) देखि १६जीबी+१टीबी संस्करणको लागि ३,९९९ युआन (४७,००० भारतीय रुपैयाँ) सम्मको मूल्य निर्धारण गरिएको छ। विश्वव्यापी रूपमा लन्च नभए पनि, वानप्लस १३टी को कम्प्याक्ट रूप, ताजा डिजाइन, र बलियो प्रदर्शनले यसलाई ध्यान दिन लायकको डिभाइस बनाएको गीज्मोचाइनाले उल्लेख गरेको छ।