ह्वावे इन्जोय ८० को चीनमा आधिकारिक डेब्यू

काठमाडौं ।

ह्वावेले चीनमा पहिलो इन्जोय ८० सिरिज फोनको रूपमा ‘इन्जोय ८०’ आधिकारिक रूपमा लन्च गरेको छ। यद्यपि, यो नयाँ बजेट–अनुकूल फोनले फाइभजी समर्थन नगर्ने भए पनि किफायती मूल्य बिन्दुमा ठोस सुविधाहरू ल्याएको छ। इन्जोय ८० अब चीनमा धेरै भेरियन्टहरूमा खरिदको लागि उपलब्ध भएको छ।

ह्वावे इन्जोय ८० को स्पेसिफिकेशन र सुविधाहरूः

ह्वावे इन्जोय ८० मा १६०४ × ७२० रिजोल्युसन भएको ६.६७ इन्चको एलसीडी एचडी+ डिस्प्ले समावेश गरिएको छ जसले ९० हर्ज रिफ्रेस रेट र १,००० निट्स सम्मको पीक ब्राइटनेसलाई समर्थन गर्दछ। सुरक्षाको लागि, यसमा साइड–फेसिङ्ग फिङ्गरप्रिन्ट स्क्यानर रहेको छ।

इन्जोय ८० मा पुरानो किरिन ७१०ए प्रोसेसर रहेको विश्वास गरिएको छ। अपेक्षा गरिए अनुसार, यो फोरजी–वन्ली (मात्र) चिपसेट हो र यसले पावर इफिसियन्सीसँग पर्फमेन्स सन्तुलन गर्ने छ। फोन हार्मनीओएस ४.० मा चल्ने र ८जीबी र्याम समावेश गर्दछ भने स्टोरेज विकल्पहरू ५१२जीबी सम्म जाने छ।

इन्जोय ८० मा ४० वाटको फास्ट चार्जिङ समर्थन गर्ने ६,६२०एमएएच ब्याट्री प्याक गरिएको छ। फोनमा आधारभूत फोटोग्राफी आवश्यकताहरूको लागि ५० मेगापिक्सेलको सिङ्गल रियर क्यामरा उपलब्ध रहेको छ भने सेल्फी र भिडियो कलहरूको लागि ८ मेगापिक्सेलको फ्रन्ट क्यामरा समावेश गरिएको छ।

यो डिभाइसले आईपी६४–रेटेड धुलो र पानी प्रतिरोध प्रदान गर्दछ। यसमा ब्लुटुथ ५.१, वाई–फाई ५, ३.५ एमएम हेडफोन ज्याक, र आईआर बाल्स्टर जस्ता सुविधाहरू समावेश छन्। यद्यपि, डिभाइसले एनएफसी समर्थन नगर्ने उल्लेख गरिएको छ। क्विक एक्सेसको लागि फोनको साइड (छेउ) मा विशेष इन्जोय एक्स की पनि रहेको छ। मानक संस्करणको मोटाइ ८.२५ मिमी र तौल २०३ ग्राम रहेको छ भने प्लेन लेदर भेरियन्टको मोटाइ ८.३३ मिमीमा र तौल २०६ ग्राम रहेको छ।

ह्वावे इन्जोय ८० को मूल्यः

ह्वावे इन्जोय ८० पहिले नै चीनमा बिक्रीको लागि उपलब्ध भएको बताइएको छ। ८जीबी र्याम + १२८जीबी स्टोरेज भेरियन्टको मूल्य १,१९९ युआन (१६५ अमेरिकी डलर), ८जीबी + २५६जीबी मोडेलको मूल्य १,३९९ युआन (१९२ अमेरिकी डलर) र हार्ई–इण्ड ८जीबी + ५१२जीबी संस्करणको मूल्य १,६९९ युआन (२३३ अमेरिकी डलर) मा कायम गरिएको छ।

इन्जोय ८० स्काई ब्लू, स्काई ह्वाइट, याओजिन ब्ल्याक र वाइल्डनेस ग्रीन गरी चार रङ्ग विकल्पहरूमा उपलब्ध छन्। यो फोन विश्वव्यापी बजारमा लन्च हुन्छ कि हुँदैन भन्ने बारेमा हाल कुनै जानकारी उपलब्ध नभएको गीज्मोचाइनाले उल्लेख गरेको छ।