ओप्पो के१३ भारतमा घोषणा, मिड रेञ्ज स्मार्टफोनमा स्न्यापड्रागन जेन ४ र ठूलो ७००० एमएएच ब्याट्री समावेश

काठमाडौं ।

ओप्पोले भारतमा आफ्नो नयाँ मिड रेञ्ज स्मार्टफोन ‘ओप्पो के१३’ घोषणा गरेको छ। सुधारिएको नयाँ स्पेक्स र सुविधाहरू सहितको बजेट मूल्यको ओप्पो के१३ ले पछिल्लो स्न्यापड्रागन ६ सिरिज चिपका साथै राम्रो ब्याट्री लाइफको लागि ठूलो ब्याट्री प्याक समावेश गरेको छ।

ओप्पो के१३ को स्पेक्सहरूः

चिनियाँ टेक जायन्टले अनावरण गरेको ओप्पो के१३ स्मार्टफोनमा १.५के रिजोल्युसन, १२० हर्ज रिफ्रेस रेट र १२०० निट्स सम्मको पीक ब्राइटनेस भएको ६.६७ इन्चको एएमओएलईडी डिस्प्ले समावेश गरिएको छ। यो डिभाइस स्न्यापड्रागन ६ जेन ४ चिप र एड्रेनो ८१० जीपीयूले सुसज्जित रहेको छ। यो चिपसेट ८जीबी एलपीडीडीआर४एक्स र्याम र २५६जीबी सम्मको यूएफएस ३.१ इन्टर्नल स्टोरेजसँग जोडिएको छ।

यो मोडेलमा रहेको एक विशाल ७,००० एमएएच ब्याट्री प्याकले ८० वाटको वायर्ड फास्ट चार्जिङलाई समर्थन गर्दछ। ओप्पो के१३ एन्ड्रोइड १५ ओएसमा आधारित कलरओएस १५ कस्टम स्किनमा चल्ने बताइएको छ।

फोटोग्राफीको लागि डिभाइसको पछाडि ५० मेगापिक्सेल र २ मेगापिक्सेलको डुअल क्यामेरा सेटअप रहेको छ भने अगाडि १६ मेगापिक्सेलको सेल्फी शूटर समावेश गरिएको छ। त्यसैगरी अन्य उल्लेखनीय सुविधाहरूमा इन–डिस्प्ले फिङ्गरप्रिन्ट स्क्यानर, ब्लुटुथ ५.३, आईपी६५ पानी र धुलो प्रतिरोध, डुअल सिम समर्थन, स्टेरियो स्पिकरहरू र इन्फ्रारेड सेन्सर समावेश छन्।

मूल्य निर्धारण र उपलब्धताः

ओप्पो के१३ भारतीय बजारमा प्रिज्म ब्ल्याक र आइसी पर्पल नामक दुई रङ विकल्पहरूमा सार्वजनिक गरिएको छ। साथै यो डिभाइस दुई स्टोरेज कन्फिगरेसनमा आउँछ जसमा ८ जीबी + १२८ जीबी र ८ जीबी + २५६ जीबी भेरियन्टहरू समावेश छन्।

बेस मोडेलको मूल्य १७,९९९ भारतीय रुपैयाँबाट सुरु हुन्छ भने उच्चतम विकल्पको मूल्य १९,९९९ भारतीय रुपैयाँ पर्ने उल्लेख गरिएको छ। ओप्पोले एचडीएफसी, आईसीआईसीआई र एसबीआई बैंक कार्डहरूको साथ १,००० भारतीय रुपैयाँको तत्काल बैंक छुट पनि प्रदान गर्नेछ भने १००० भारतीय रुपैयाँसम्मको एक्सचेन्ज बोनस पनि उपलब्ध गराएको छ।

ओप्पो के१३ को पहिलो बिक्री अप्रिल २५ तारिखदेखि ब्रान्डको आधिकारिक वेबसाइट, अफलाइन स्टोरहरू र फ्लिपकार्ट मार्फत सुरु हुने गीज्मोचाइनाले उल्लेख गरेको छ।