आईओएस १८.४.१ आइपुग्योः कारप्लेको समस्याहरू समाधान गरियो

काठमाडौं ।

सबै प्रयोगकर्ताहरूको लागि आईओएस १८.४ जारी गरेको केही हप्ता पछि एप्पलले आईओएस १८.४.१ जारी गरेको छ। यस अपडेटले महत्त्वपूर्ण बग फिक्सेस (समाधान) र सेक्युरिटि (सुरक्षा) प्याचहरू ल्याएको उल्लेख गरिएको छ।

यसको अतिरिक्त, कम्पनीले आईप्याडओएस १८.४.१, म्याकओएस १५.४.१, टिभीओएस १८.४.१, वाचओएस ११.४.१ र भिजनओएस २.४.१ जस्ता अन्य अपरेटिङ सिस्टमहरूको नयाँ संस्करणहरू पनि जारी गरेको छ।

“यस अपडेटले महत्त्वपूर्ण बग फिक्सेस (समाधान) र सेक्युरिटि (सुरक्षा) प्याचहरू ल्याउँछ, र वायरलेस कारप्ले सुविधालाई केही नश्चित भेहिकल (सवारी साधनहरू) मा जडान हुनबाट रोक्ने दुर्लभ समस्या समाधान गर्दछ” भनि आधिकारिक नोटहरूमा उल्लेख गरिएको टेलिग्राफ रिपोर्ट गर्दछ।

“म आईओएस १८.४ बाट धेरै निराश छु। कारप्ले ले मलाई पागल बनाइरहेको छ। हामी पहिले नै ०.४ मा छौं र अझै पनि गुणस्तर छैन” भनि एक्स नेटवर्कमा एक प्रयोगकर्ताले त्यस समयमा लेखेको उल्लेख गरिएको छ।

यो “फिक्स” रिलीज हुनुभन्दा पहिले, आईओएस १८.४ आईओएस १८ सिरिज भित्रका प्रमुख अपडेटहरू मध्ये एक भएको बताइएको छ। यसले एप्पल इन्टेलिजेन्ससँग सम्बन्धित धेरै नयाँ सुविधाहरू ल्याएको उल्लेख छ जसमा न्यू ल्याङ्गवेजेज, जेनमोजी र ईमेज प्ले ग्राउन्ड समावेश रहेका छन्।

न्यू ल्याङ्गवेजेजः एप्पलले फ्रेन्च, जर्मन, इटालियन, ब्राजिलियन पोर्चुगिज, स्पेनिश, चिनियाँ, जापानी, कोरियाली, साथै सिंगापुर र भारतको लागि स्थानीयकृत अंग्रेजीको लागि समर्थन थपेको छ।

ईमेज प्लेग्राउन्डः अवस्थित एनिमेसन र इल्स्ट्रेसन विकल्पहरूको अतिरिक्त, “स्केच” शैली अन्ततः उपलब्ध भएको छ।

जेनमोजीः एप्पलले किबोर्डमा जेनमोजी बटन सुधार गरेको छ जसले अब स्पष्ट रूपमा “जेनमोजी” भन्ने बताइएको छ।

त्यसैगरी भिजनल इन्टेलिजेन्स सुविधा अब आईफोन १५ प्रो र आईफोन १६ई मोडेलका प्रयोगकर्ताहरूका लागि पनि उपलब्ध भएको छ।

अब, यो विकल्पलाई एक्शन बटनमा तोक्न सकिने र जसले डिभाइसको भौतिक नियन्त्रणहरूमा एप्पलको आर्टिफिशियल इन्टेलिजेन्सको प्रयोगलाई विस्तार गर्नेछ भनि टेलीग्राफले उल्लेख गरेको छ।