जेनेटिक एडिटिङमार्फत १० हजार वर्ष पहिले लोप भएको ब्वाँसोको प्रजाति जन्माउन वैज्ञानिकहरु सफल

काठमाडौं ।

लोप भएको भयानक ब्वाँसोको प्रजातिलाई पुनर्जन्म गर्न वैज्ञानिकहरु सफल भएका छन्। अमेरिकाको डलासमा आधारित, कोलोसल बायोसाइन्सेस नामक बायोटेक कम्पनीले “डि-एक्स्टिंक्शन” प्रविधि प्रयोग गरेर १०,००० वर्ष पहिले लोप भएको डायर वुल्फलाई पृथ्वीमा फिर्ता ल्याउन सफल भएको हो।

वैज्ञानिकहरुले करिब १०,००० वर्ष अगाडि लोप भइसकेको डायर वुल्फलाई जन्माउन सफल भएका हुन्। तिनीहरूलाई आनुवंशिक सम्पादन अर्थात जेनेटिक एडिटिङ मार्फत हाल फिर्ता ल्याइएको हो।

प्राचीन डीएनएको प्रयोग:

कोलोसल बायोसाइन्सेसका वैज्ञानिकहरूले पूर्ण डाइर वुल्फ जीनोमबाट प्राप्त आनुवंशिक सम्पादनहरू प्रयोग गरेर जीनोम सिर्जना गरे। ११,५०० देखि ७२,००० वर्ष पुरानो ब्वाँसोको जीवाश्महरूमा पाइने प्राचीन डीएनए प्रयोग गरेर तिनीहरूलाई सावधानीपूर्वक पुनर्निर्माण गरिएको एक रिपोर्टमा उल्लेख छ।

वैज्ञानिकहरूले आधुनिक खैरो ब्वाँसोको जीनोमलाई परिमार्जन गरेर भयानक ब्वाँसोका विशेषताहरू समावेश गरे।

जीनोममा परिवर्तनहरू:

डाइर वुल्फ जीनोम पुनर्निर्माण गर्न, आधुनिक खैरो ब्वाँसोको २० ओटा जीनहरू परिवर्तन गरियो, जसले गर्दा डाइर वुल्फको विशिष्ट विशेषताहरू जस्तै ठूलो आकार, बाक्लो फर र बलियो हड्डीहरू देखा परे।

सरोगेट आमाहरूको प्रयोग:

परिमार्जित भ्रूणहरू सरोगेट कुकुरहरूमा राखियो, जसले गर्दा रोमुलस, रेमस र खलेसी नामक तीन स्वस्थ भयानक ब्वाँसोका बच्चाहरू जन्मिएका थिए।

यी १०,००० वर्ष पहिले लोप भएको ‘डायर वुल्फ’ जस्तो देखिन्छन्। यी छाउराहरु हाल तीन देखि छ महिनाका छन् र तिनीहरूलाई गोप्य, सुरक्षित ठाउँमा राखिएको छ।

जंगली ब्वाँसो जस्तै व्यवहार

तिनीहरू हिउँ जस्तै सेता छन् र अत्यन्तै अद्वितीय छन्। सानो उमेरमा, यी लगभग ४ फिट अग्लो छन र लगभग ३६ किलो तौलका छन। यो छ फिटसम्म बढ्न सक्छ र ६८ किलो तौल हुन सक्छ।

तिनीहरूको व्यवहार जंगली ब्वाँसोको जस्तै छ। ऊनीहरु मानिसहरूबाट टाढा रहन्छ। यदि कोही उनीहरूको नजिक गयो भने, उनीहरू पछि हट्छन्।सबैभन्दा अचम्मको कुरा के छ भने उनीहरू आफूलाई हुर्काउनेहरूको पनि नजिक आउन हिचकिचाउँछन्।