नेदरल्याण्ड्समा २० भन्दा बढी अवैध ग्याम्बलिङ एपहरू बन्द गरियो

काठमाडौं ।

डच गेमिङ अथोरिटी (केएसए) ले विगत तीन महिनामा २० वटा अवैध ग्याम्बलिङ (जुवा) एपहरू बन्द गरेको डच मिडियाले रिपोर्ट गरेको छ।

चेतावनी दिए जस्तै, नेदरल्याण्ड्समा अवैध जुवाको समस्या बढ्दो रूपमा स्पष्ट हुँदै गएकोले यो सेवाले त्यस्ता एप्लिकेसनहरूको कामको निगरानी बढाइरहेको एनएल टाइम्सले उल्लेख गरेको छ।

यी मध्ये केही साइटहरू नाबालिगहरूको लागि पहुँचयोग्य छन् जुन विशेष गरी चिन्ताजनक छ भनी केएसए सेवाले उल्लेख गरेको टेलिग्राफले रिपोर्ट गर्दछ।

अवैध वा गैरकानूनी ग्याम्बलिङ प्रोभाइडर्स (जुवा प्रदायकहरू) ले प्रायः यस प्रकारको अवैध गतिविधिमा संलग्न हुन इजाजतपत्र प्राप्त कानुनी प्रदायकहरूको लोगो प्रयोग गरेर प्रयोगकर्ताहरूलाई लोभ्याउने र प्रलोभनमा पार्ने कार्य गर्दछ भन्दै केएसएले चेतावनीको उल्लेख गरेको छ।

यसरी, अनुसन्धानको क्रममा, एप्पल एप स्टोरमा हल्याण्ड क्यासिनो लोगो प्रयोग गर्ने एउटा एप्लिकेसनको उदाहरण पत्ता लागेको बताइएको छ।

त्यसैगरी, अवैध एपहरूलाई प्रायः कानुनी खेलको रूपमा पनि विज्ञापन गरिने गरिएको र प्रयोगकर्ताले तिनीहरूलाई डाउनलोड गरेपछि तिनीहरूले प्रयोगकर्तालाई अवैध ग्याम्बलिङ (जुवा) साइटहरूमा पु¥याउने गरेको उल्लेख गरिएको छ।

केएसएले प्रयोगकर्ताहरूलाई त्यस्ता अवैध एप्लिकेसनहरूको बारेमा रिपोर्ट गर्न जारी राख्न आह्वान गरेको टेलिग्राफले उल्लेख गरेको छ।