चीनको झिपु एआईले लन्च गर्यो निःशुल्क एआई एजेन्ट, घरेलु प्रविधि दौड तीव्र बन्दै

काठमाडौं ।

चीनको बढ्दो प्रतिस्पर्धी एआई बजारमा चिनियाँ कृत्रिम बुद्धिमत्ता स्टार्टअप झिपु एआईले सोमबार एउटा निशुल्क प्रयोग गर्न सकिने एआई एजेन्टको अनावरण गर्दै एआई लन्चहरूको लहरमा सामेल भएको छ।

‘अटोजीएलएम रुमिनेशन भनिने प्रोडक्टले गहिरो अनुसन्धानका साथै वेब सर्च, ट्राभल प्लानिङ (यात्रा योजना) र रिसर्च रिपोर्ट राइटिङ (अनुसन्धान लेखन) जस्ता कार्यहरू गर्न सक्छ’ सीईओ झाङ पेङले बेइजिङमा आयोजित एक लन्च कार्यक्रममा भने।

झिपुको स्वामित्व मोडेलहरूद्वारा संचालित एजेन्टमा यसको रिजनिङ मोडेल जीएलएम–जेड१–एयर र फाउन्डेसन मोडेल जीएलएम–४–एयर–०४१४ समावेश गरिएको छ। पर्फमेन्सको सन्दर्भमा जीएलएम–जेड१–एयरले प्रतिद्वन्द्वी डीपसिकको आर१ सँग मेल खाने बताइएको छ भने यो आठ गुणा छिटो चल्ने र कम्प्युटिङ स्रोतहरूको एक–तीस भाग मात्र चाहिने कम्पनीले दावी गरेको छ।

एआई एजेन्टहरू निर्णय लिन र स्वायत्त रूपमा कार्यहरूको दायरा कार्यान्वयन गर्न डिजाइन गरिएका प्रणालीहरू हुन्।

डीपसिकले यस वर्षको सुरुवातमा अमेरिकी प्रतिद्वन्द्वीहरू भन्दा कम लागतमा सञ्चालन हुने मोडेलको साथ उद्योगलाई हल्लाएपछि चिनियाँ एआई प्रोडक्ट रिलीजहरूमा वृद्धि भएको छ।

त्यसैगरी प्रतिस्पर्धी मानुसले विश्वको पहिलो जनरल एआई एजेन्टको रूपमा बजारमा टूल ल्याएको कुराले चासो जगाएको केही हप्तापछि झिपुको नयाँ प्रोडक्ट अटोजीएलएम रुमिनेशन आएको हो।

चीनको एआई मोडल मानुसले प्रयोगकर्ताहरूलाई मासिक १९९ अमेरिकी डलरसम्म शुल्क लगाएको उल्लेख छ। झिपुको अटोजीएलएम रुमिनेशन भने कम्पनीको आधिकारिक च्यानलहरू मार्फत निःशुल्क उपलब्ध हुने बताइएको छ जसमा यसको जीएलएम मोडेल वेबसाइट र मोबाइल एप पनि समावेश रहेका छन्।

सन् २०१९ मा सिंघुआ विश्वविद्यालय प्रयोगशालाबाट स्पिनअफको रूपमा स्थापित झिपु एआई चीनको अग्रणी एआई स्टार्टअपहरू मध्ये एकको रूपमा देखा परेको छ।

जीएलएम सिरिज मोडेलहरूको विकास गरेको कम्पनीले आफ्नो पछिल्लो लार्ज ल्याङ्गवेज (ठूलो भाषा) मोडेल जीएलएम ४ ले धेरै बेन्चमार्कहरूमा ओपनएआईको जीपीटी–४ लाई पछाडि पारेको दावी गरेको छ।

एकै महिनामा लगातार तीन चरणको सरकार समर्थित कोष प्राप्त गरेपछि यो चिनियाँ स्टार्टअपले यस महिनाको सुरुमा चर्चा पाएको थियो। सबैभन्दा पछिल्लो लगानी चेङ्दु शहरबाट आएको बताइएको छ जसले कम्पनीमा ३० करोड युआन (४१.५ मिलियन अमेरिकी डलर) लगानी गरिएको रोयटर्सले रिपोर्टमा उल्लेख गरेको छ।