हामी ब्ल्याक होलभित्र बसेको हुन सक्ने नासाको नयाँ संकेत

काठमाडौं ।

ब्ल्याक होल कस्मोलोजी (ब्रह्माण्ड विज्ञान) ले अर्को ब्रह्माण्डको ब्ल्याक होल भित्र हाम्रो सम्पूर्ण ब्रह्माण्ड बनेको हुन सक्ने सुझाव दिएको छ। २६३ आकाशगंगाहरूको नयाँ अध्ययनले हाम्रो ब्रह्माण्ड ब्ल्याक होलको भित्री भाग हो भन्ने सिद्धान्तलाई समर्थन गर्न नयाँ प्रमाण प्रदान गरेको उल्लेख छ।

अमेरिकाको कान्सास स्टेट युनिभर्सिटीका अनुसन्धानकर्ताहरूले नासाको जेम्स वेब स्पेस टेलिस्कोपबाट डाटा प्रयोग गरेर अधिकांश आकाशगंगाहरू एउटै दिशामा घुमिरहेका पत्ता लगाएका छन्।

यो हाम्रो ब्रह्माण्ड आइसोट्रोपिक छ भन्ने अघिल्लो धारणाहरूको विरुद्ध गएको वा विपरीत भएको हुनाले यसको अर्थ घडीको दिशामा र घडीको विपरीत दिशामा घुम्ने आकाशगंगाहरूको समान संख्या हुनुपर्छ भन्ने हुन्छ भनी उल्लेख गरिएको छ।

“यो के कारणले हुन्छ भन्ने कुरा स्पष्ट छैन, तर त्यहाँ दुई प्राथमिक सम्भावित व्याख्याहरू छन्” कान्सास स्टेट युनिभर्सिटीका कम्प्युटर विज्ञानका सह–प्राध्यापक लियोर शामिरले भने।

“एउटा व्याख्या यो हो कि ब्रह्माण्ड घुम्दै जन्मिएको थियो। त्यो व्याख्या ब्ल्याक होल कस्मोलोजी (ब्रह्माण्ड विज्ञान) जस्ता सिद्धान्तहरूसँग मेल खान्छ र जसले सम्पूर्ण ब्रह्माण्ड ब्ल्याक होलको भित्री भाग हो भनेर मान्छ।”

ब्ल्याक होल कस्मोलोजी (ब्रह्माण्ड विज्ञान) ले मिल्की वे र हाम्रो ब्रह्माण्डमा रहेका अन्य सबै अवलोकनयोग्य आकाशगंगाहरू अर्को, धेरै ठूलो, ब्रह्माण्डमा बनेको ब्ल्याक होल भित्र निहित छन् भन्ने सुझाव दिएको उल्लेख गरिएको छ।

यो सिद्धान्तले कस्मोस (ब्रह्माण्ड) का धेरै आधारभूत मोडेलहरूलाई चुनौती दिन्छ, जसमा ‘बिग ब्याङ्ग’ भन्ने ब्रह्माण्डको सुरुवातको विचार पनि समावेश भएको भनि उल्लेख गरिएको छ।

त्यसैगरी यसले हाम्रो आफ्नै ब्रह्माण्ड भित्रका ब्ल्याक होलहरू अन्य ब्रह्माण्डहरूको सीमा हुन सक्छन्, जसले मल्टिभर्सको लागि सम्भावित परिदृश्य खोल्छ भन्ने सम्भावना पनि प्रदान गर्दछ भनी थप उल्लेख गरिएको छ।

पछिल्लो खोजले ब्ल्याक होल कस्मोलोजी (ब्रह्माण्ड विज्ञान) को निश्चित प्रमाण प्रदान नगरेको र यसको प्रभाव बारे पूर्ण रूपमा बुझ्नको लागि थप प्रमाणहरू आवश्यक पर्ने बताइएको छ।

शामिरले अध्ययनमा धेरैजसो आकाशगंगाहरू घडीको दिशामा किन घुम्छन् भन्ने कुराको वैकल्पिक व्याख्या भनेको मिल्की वेको रोटेस्नल भेलोसिटी (परिक्रमण वेग) ले मापनमा प्रभाव पारिरहेको उल्लेख गरे।

“यदि वास्तवमा त्यस्तो हो भने, हामीले गहिरो ब्रह्माण्डको लागि हाम्रो दूरी मापन पुनः क्यालिब्रेट गर्न आवश्यक हुनेछ” शामिरले भने।

“दूरी मापनको पुनः क्यालिब्रेसनले ब्रह्माण्डको विस्तार दरमा भिन्नता र ठूला आकाशगंगाहरू जुन अवस्थित दूरी मापन अनुसार ब्रह्माण्ड भन्दा पुरानो हुने अपेक्षा गरिएको छ भन्ने जस्ता कस्मोलोजी (ब्रह्माण्ड विज्ञान) का धेरै अन्य समाधान नभएका प्रश्नहरू पनि व्याख्या गर्न सक्छ” उनले थप उल्लेख गरे।

यो अनुसन्धान ‘द डिस्ट्रिब्यूसन अफ ग्यालेक्सि रोटेसन इन जेडब्ल्यूएसटी एडभान्स्ड डीप एक्स्ट्राग्यालेक्टिक सर्भे’ शीर्षकको अध्ययनमा मन्थ्ली नोटिसेस अफ द रोयल एस्ट्रोनोमिकल सोसाइटीमा प्रकाशित भएको इन्डिपेन्डेन्टले उल्लेख गरेको छ।