काठमाडौं ।
अमेरिकाले चीनमा कृत्रिम बुद्धिमत्ताको विकासमा आवश्यक चिप्सको प्रवाह रोक्न दबाब दिइरहेका कारण मलेसियाले सेमिकन्डक्टरमा नियमहरू कडा पार्ने योजना बनाएको छ। हालै फाइनान्सियल टाइम्सले जारी गरेको रिपोर्टमा यस्तो उल्लेख गरिएको हो।
मलेसियाका व्यापारमन्त्री जाफ्रुल अजिजले चिपहरुमध्ये धेरै चीनमा पुगिरहेको आशङ्कामा अमेरिकी सरकारले मलेसियामा प्रवेश गर्ने उच्चस्तरीय एनभिडिया चिप्सको गतिविधिलाई कडा रूपमा निगरानी गर्न माग गरिरहेको बताए।
“[अमेरिका] हामीलाई मलेसियामा आउने प्रत्येक एनभिडिया चिप्सको ढुवानीलाई अनुगमन गर्न आग्रह गरिरहेको छ,” अजिजले पत्रिकालाई भने। “उनीहरू हामीले सुनिश्चित गरोस् भन्ने चाहन्छन् कि सर्भरहरू तय गरिएका डाटा सेन्टरहरूमा पुग्छन्, र अचानक अर्को जहाजमा सारिंदैनन्।”
एनभिडियाले रोयटर्सको टिप्पणी अनुरोधमा तुरुन्तै प्रतिक्रिया दिएको थिएन।
आफ्नो एआई मोडेलको प्रदर्शनले जनवरीमा प्रविधि क्षेत्रलाई हल्लाएको डीपसीकले प्रतिबन्धित अमेरिकी चिप्स प्रयोग गरिरहेको छ कि छैन भनेर अमेरिका अनुसन्धान गरिरहेको रोयटर्सले उल्लेख गरेको छ ।
मलेसिया अहिले तिनिहरुमा अमेरिकी निर्यात नियन्त्रणमा पर्ने उन्नत चिप्स हुनसक्ने शंकामा एउटा सिङ्गापुर ठगी मामिलासँग जोडिएको सर्भरको ढुवानीमा स्थानीय कानुन उल्लङ्घन भएको छ कि छैन भनेर अनुसन्धान गरिरहेको छ।
सिङ्गापुरका अभियोजनकर्ताहरूले मार्चको सुरुमा अदालतलाई बताएअनुसार, सिङ्गापुरमा आधारित कम्पनीहरू अमेरिकी सर्भरहरूलाई मलेसियामा अवैध रूपमा आपूर्ति गरेको ठगी मामिला ३९० मिलियन डलर बराबरको कारोबारसँग जोडिएको छ।
सिङ्गापुरका सञ्चारमाध्यमहरूले उक्त मामिला एनभिडियाको कृत्रिम बुद्धिमत्ता चिप्सलाई चिनियाँ कृत्रिम बुद्धिमत्ता कम्पनी डीपसीकमा स्थानान्तरण गरिएको हुन सक्ने सम्भावनासँग जोडेका छन्।
प्रकाशित: १३ चैत्र २०८१, बुधबार
