नेपालमा स्मार्टफोनको आयात बढ्दो, एक महिनामै भित्रियो साढे ३ अर्ब हाराहारीको पौने २ लाख थान

काठमाडौं ।

नेपालमा स्मार्टफोनको आयात बढ्ने क्रममा तीव्रता देखिएको छ। भन्सार विभागको आर्थिक वर्ष २०८०/८१ को फागुन मसान्तसम्मको वैदेशिक व्यापारको तथ्यांक अनुसार २१ अर्ब ९१ करोड ६३ लाख ६० हजार रुपैयाँ बराबरको स्मार्टफोन आयात भएको छ।

चालु आर्थिक वर्षको यस अवधिसम्म उक्त रकम बराबरको १२ लाख २९ हजार ९५७ थान स्मार्टफोन आयात भएको हो।

तुलनात्मक रुपमा हेर्दा अघिल्लो महिना अर्थात् माघ मसान्तबाट फागुन मसान्तसम्म आइपुग्दा २ अर्ब ९३ करोड ७० लाख ५ हजार बराबरको १ लाख ७७ हजार १२१ थान स्मार्टफोन आयात भएको देखिन्छ।

चालु आवको आठौं महिनासम्म सरकारले स्मार्टफोनको आयातबाट ४ अर्ब ८ करोड ५१ लाख ८३ हजार रुपैयाँ राजश्व संकलन गरेको छ। नेपालमा यो अवधिमा ५८ मुलुकबाट स्मार्टफोन आएको भन्सार विभागको तथ्यांकमा देखिन्छ।

नेपालमा सबैभन्दा धेरै स्मार्टफोन चीनबाट आउने गरेको छ। यो महिनामा चीनबाट १५ अर्ब ९ करोड ४८ लाख ५६ हजार रुपैयाँ बराबरको ११ लाख ७ हजार ८३ थान स्मार्टफोन आयात भएको छ।

भारतबाट ६ अर्ब ३९ करोड ९ लाख ६५ हजार रुपैयाँ बराबरको २ लाख ९४ हजार ८२२ थान स्मार्टफोन आएको भन्सार विभागको तथ्याङ्कमा देखिन्छ।

बाँकी ५२ मुलुकबाट पनि विभिन्न परिमाण र रकमका स्मार्टफोनहरु आयात भएका छन्।

यस्तो छ उत्कृष्ट ३ अंकसम्मको परिमाणमा आयात भएका देशको विवरण: