अनरको प्याड एक्स९ए सार्वजनिक, ११.५ इन्चको स्क्रिन तथा ८३०० एमएएच ब्याट्री समावेश

काठमाडौं ।

अनरले मलेसियामा आफ्नो पछिल्लो मिड–रेन्ज ट्याब्लेटको रूपमा प्याड एक्स९ए प्रस्तुत गरेको छ। कम्पनीले यस ट्याब्लेटको रिलीजको बारेमा ठूलो चर्चा नगरेको र मूल्य निर्धारण विवरणहरू पनि गोप्य राखेको छ।

ट्याब्लेट अनर मलेशियाको वेबसाइटमा सूचीबद्ध गरिएको हुनाले यसका विवरणहरू भने सार्वजनिक भएको छ।

अनर प्याड एक्स९ए को स्पेसिफिकेसनहरू

अनर प्याड एक्स९ए मा २.५के रेजोल्युसन (१५०४ × २५०८ पिक्सेल) र सहज स्क्रोलिङका साथै एनिमेसनको लागि १२०हर्ज रिफ्रेस रेट भएको ११.५ इन्चको एलसीडी स्क्रिन समावेश गरिएको छ।

यो ट्याब्लेट क्वालकमको स्न्यापड्रागन ६८५ चिपसेटमा चल्ने बताइएको छ जुन टीएसएमसीको ६एनएम मा निर्मित एन्ट्री–लेभल प्रोसेसर हो। अनरले यसलाई ८जीबी र्याम सँग जोडेको उल्लेख छ जुन १२८जीबी स्टोरेजबाट लगभग ८जीबी सम्म विस्तार गर्न सकिनेछ।

प्याड एक्स९ए को क्यामरातर्फ अटोफोकस र एफ/२.० एपर्चर भएको ८ मेगापिक्सेलको रियर सेन्सर समावेश गरिएको छ। ट्याब्लेटको अगाडि भने ५ मेगापिक्सेलको क्यामराले भिडियो कल र सेल्फीहरू ह्यान्डल गर्न सक्ने बताइएको छ।

ट्याब्लेटहरूबाट अपेक्षा गरिएझैं यो डिभाइस पनि क्यामरा हार्डवेयरमा केन्द्रित नभएको बताइएको छ। डकुमेन्टस् (कागजातहरू) स्क्यान गर्ने वा भिडियो कन्फरेन्सिङ जस्ता आधारभूत कार्यहरूको लागि भने यो पर्याप्त हुने उल्लेख गरिएको छ।

गीज्मोचाइनाका अनुसार डिभाइसमा ३५वाट चार्जिङको लागि समर्थन रहेको ८,३००एमएएच ब्याट्री समावेश गरिएको छ। अनरले भने स्ट्यान्डबाइमा ट्याब्लेट ७० दिनसम्म टिक्न सक्ने दावी गरेको छ।

ट्याब्लेटले वाई–फाई र ब्लुटुथ ५.१ लाई समर्थन गर्दछ र अनरको वायरलेस किबोर्ड र स्टाइलस एक्सेसरिजहरूसँग काम गर्दछ। यसले एन्ड्रोइड १५–आधारित म्याजिकओएस ९.० चलाउँछ र स्टाइलसका साथै ब्लुटुथ किबोर्डलाई समर्थन गर्दछ। यसमा एलटीई वा टेलको नेटवर्क समर्थन भने उपलब्ध छैन।

अनरले प्याड एक्स९ए लाई खैरो रङ्ग भेरियन्टमा सूचीबद्ध गरेको र मूल्य निर्धारण विवरणहरू भने अझै घोषणा गरेको छैन। यसले सामसङ र शाओमी जस्ता ब्रान्डहरूका समान मूल्यका ट्याब्लेटहरूसँग प्रतिस्पर्धा गर्ने अपेक्षा गरिएको गीज्मोचाइनाले उल्लेख गरेको छ।