मानिसलाई पूर्ण रूपमा चुनौती दिने आर्टिफिशियल इन्टेलिजेन्स पाँच देखि दश वर्षमा आउने

काठमाडौं ।

आर्टिफिसियल इन्टेलिजेन्स सिस्टम (कृत्रिम बुद्धिमता प्रणाली) हरू मानव स्तरमा पुग्नु अघि अझै धेरै अनुसन्धान कार्य गर्न बाँकी रहेको उल्लेख गरिएको छ।

सबै खण्डहरूमा मानिससँग प्रतिस्पर्धा गर्न सक्ने र मानिसलाई चुनौती दिन सक्ने आर्टिफिशियल इन्टेलिजेन्स (कृत्रिम बुद्धिमता) अझै धेरै टाढा भएको बताउँदै गर्दा यो वास्तविकतामा परिणत हुनु समयको कुरा मात्र भएको डिपमाइन्डका सीईओ डेमिस हसाबिसले बताएका छन्।

मानवभन्दा स्मार्ट आर्टिफिसियल जेनेरल इन्टेलिजेन्स (एजीआई) आगामी पाँच वा १० वर्षमा देखा पर्न थाल्नेछ भनि उनीले आफ्नो सोच व्यक्त गरेका  टेलिग्राफले रिपोर्ट गरेको छ।

“मलाई लाग्छ कि आजका प्रणालीहरू धेरै निष्क्रिय छन् र तिनीहरूले गर्न नसक्ने धेरै कुराहरू छन्, तर मलाई विश्वास छ कि आगामी वर्षहरूमा ती धेरै क्षमताहरू देखा पर्न थाल्नेछन् र हामी आर्टिफिशियल जेनेरल इन्टेलिजेन्स भन्ने कुरातर्फ अघि बढ्नेछौं,” आर्टिफिशियल इन्टेलिजेन्स “कृत्रिम बुद्धिमत्ता)सँग सम्बन्धित ब्रिटिश कम्पनीका प्रमुखले भने।

उनले एजीआई लाई “मानिसहरूले गर्न सक्ने सबै जटिल सीपहरू प्रदर्शन गर्न सक्षम प्रणाली” भनेर परिभाषित गरेका छन्।

“हामी अझै त्यो स्तरमा पुगेका छैनौं, यद्यपि यी प्रणालीहरू केही कुराहरूमा धेरै प्रभावशाली छन्, तर अरू केही छन् जुन तिनीहरूले अझै गर्न सक्दैनन्, र त्यसअघि हामीले धेरै अनुसन्धान कार्यहरू गर्न बाँकी छ” हासाबिसले भने।

एजीआई देखा पर्न केही समय लाग्ने विश्वास गर्ने उनी एक्लै भने होइनन्।

गत वर्ष, चिनियाँ टेक जायन्ट बाइदुका सीईओ रोबिन लीले यस्तो प्रगति धेरै छोटो समय सीमामा हुनेछ भन्ने आफ्ना केही सहकर्मीहरूले गरेको आशावादी भविष्यवाणीलाई खारेज गर्दै आर्टिफिशियल जेनेरल इन्टेलिजेन्स प्राप्त गर्न १० वर्षभन्दा बढी समय लाग्ने देखेको उनले बताएका छन्।

हासाबिसको भविष्यवाणीले भने उनका उद्योग साथीहरूको भविष्यवाणीको तुलनामा एजीआई द्वारा प्रतिनिधित्व गरिएको स्तरमा पुग्नको लागि समयरेखा छोटो पारेको उल्लेख गरिएको छ।

स्विट्जरल्याण्डको डाभोसमा जनवरीमा भएको विश्व आर्थिक मञ्चमा स्टार्टअप एन्ट्रोपिकका सीईओ डारियो अमोदेईले “लगभग सबै कार्यहरूमा लगभग सबै मानिसहरू भन्दा राम्रो छ र अर्को दुई वा तीन वर्षमा देखा पर्नेछ” भनि आर्टिफिशियल इन्टेलिजेन्स (कृत्रिम बुद्धिमताको) एक रूपको घोषणा गरेको टेलीग्राफले उल्लेख गरेको छ।