बेलायतको नियामकले स्टोरेज र फाइल साझेदारी सेवाहरूलाई बाल यौन शोषण सामग्रीको निगरानीमा राख्यो

काठमाडौं ।

बेलायतको अनलाइन सेफ्टी एक्ट (ओएसए) अन्तर्गत गैरकानुनी सामग्रीसँग सम्बन्धित जिम्मेवारीहरू सोमबार लागू भएसँगै इन्टरनेट नियामक निकाय अफकमले अनलाइन भण्डारण र फाइल साझेदारी सेवाहरूमा केन्द्रित नयाँ कार्यान्वयन कार्यक्रम सुरु गरेको छ।

अफकमले आफ्नो प्रमाणहरूका आधारमा फाइल साझेदारी र फाइल भण्डारण सेवाहरू “विशेष रूपमा संवेदनशील” रहेको जनाएको छ, जसले गर्दा ती सेवाहरू बाल यौन शोषण सामग्री (सीएसएएम) साझा गर्न प्रयोग हुने सम्भावना धेरै हुg] टेकक्रञ्चले उल्लेख गरेको छ।

यो कार्यान्वयन कार्यक्रममा ती सेवाहरूले अपराधीहरूलाई आफ्नो सेवामा सीएसएएम फैलाउन रोक्नका लागि अपनाएका सुरक्षात्मक उपायहरूको मूल्याङ्कन गरिनेछ।

अफकमले “धेरै” सेवा प्रदायकहरूलाई पत्र पठाएको छ, तर तिनको नाम भने खुलाएको छैन। उसले चाँडै नै “औपचारिक जानकारी अनुरोधहरू” पठाउने तयारी गरेको छ, जसमा सीएसएएम रोकथामका लागि लागू गरिएका वा योजनामा रहेका उपायहरूको विवरण मागिनेछ। साथै, ती सेवाहरूलाई गैरकानुनी क्षति जोखिम मूल्याङ्कनहरू पेश गर्न अनुरोध गरिनेछ।

ओएसएको पालना नगरेमा, सेवाहरूले आफ्नो वार्षिक विश्वव्यापी आम्दानीको १० प्रतिशतसम्मको ठूलो जरिवाना तिर्नु पर्ने हुन सक्छ।