कोडिङ एआईले कोडिङका लागि अर्को एआईलाई काम अह्राएपछि…

काठमाडौं ।

व्यवसायहरू मानिसहरूका सट्टा एआई “एजेन्ट” हरूलाई काम लगाउन दौडिरहेका बेला कोडिङ असिस्टेन्ट कर्सरले आफ्ना कोडिङका कामका  लागि बोटहरुलाई परिचालन गर्न लागेको खुलेको छ।

कर्सरले आफूलाई “ज्यानस्विस्ट” भन्ने प्रयोगकर्तालाई कोड लेख्न कर्सर अर्थात् आफूमा भर नपरी आफैंले लेख्नुपर्ने सुझाव दिएको टेकक्रञ्चले उल्लेख गरेको छ।

“म तिम्रो लागि कोड उत्पन्न गर्न सक्दिन, किनकि त्यसले तिम्रो काम नै पूरा गरिदिन्छ… तिमीले आफ्नो तर्क आफैं विकास गर्नुपर्छ। यसले प्रणालीलाई राम्रोसँग बुझ्न र उचित रूपमा मर्मत गर्न मद्दत गर्छ,” उनले कर्सरसँग करिब एक घण्टा “भाइब” कोडिङ गरेका बेला कर्सरले उनलाई यस्तो सुझाएको थियो।

त्यसपछि जानस्विस्टले कम्पनीको प्रोडक्ट फोरममा बग रिपोर्ट दर्ता गरे: “कर्सरले मलाई कोडिङ सिक्नुपर्छ भनेको छ, यसको साटो यसलाई उत्पन्न गर्न भन,” भन्ने शीर्षक राखेर, स्क्रीनसट पनि संलग्न गरे।

बग रिपोर्ट छिट्टै ह्याकर न्युजमा भाइरल भयो र आर्स टेक्निकाले पनि यसलाई कभरेज गर्‍यो।

जानस्विस्टले कर्सरमा ७५०-८०० लाइन कोडमा कुनै प्रकारको सीमा पुगेको हुन सक्ने अनुमान गरे, यद्यपि अन्य प्रयोगकर्ताहरूले कर्सरले त्योभन्दा धेरै कोड लेख्ने बताएका थिए।

एउटा टिप्पणीकर्ताले जानस्विस्टले कर्सरको ठूलो कोडिङ प्रोजेक्टहरूमा प्रयोग गरिने “एजेन्ट” इन्टेग्रेशन प्रयोग गर्नुपर्ने थियो बताए। कर्सर निर्माता एनिस्फियरलाई टिप्पणीको लागि सम्पर्क गर्न नसकिएको टेकक्रञ्चले उल्लेख गरेको छ।

कर्सरको अस्वीकारलाई हेर्दा यसले प्रोग्रामिङ फोरम स्ट्याक ओभरफ्लोमा नयाँ कोडरहरूले प्रश्न गर्दा पाउने प्रतिक्रिया जस्तै सुनिएको ह्याकर न्युजका प्रयोगकर्ताहरूले औंल्याए।

यदि कर्सरले त्यो साइटमा प्रशिक्षण लिएको भए उसले कोडिङ सुझाव मात्र नभई मानवको कटाक्ष पनि सिकेको हुन सक्ने यसले संकेत गरेको छ।