ब्लूस्काईकी सीईओले जुकरबर्गलाई व्यङ्ग्य गर्न लगाएको टीसर्ट हातहतै बिक्यो

काठमाडौं ।

ब्लूस्काईकी सीईओजे ग्राबरले यस हप्ताको एसएक्सएसडब्लूमा स्टेजमा उभिँदा मेटाका संस्थापक मार्क जुकरबर्गलाई नाम नलिइकन जिस्काइन्।

उनले लगाएको कालो टी-शर्टमा जुकरबर्गले गत वर्ष एक कार्यक्रममा लगाएको टी-शर्टमा रहेको डिजाइन छाती र बाहुलामा फैलिएको कालो अक्षरले बनाइएको थियो। तर ग्राबरको टी-शर्टमा लेखिएको थियो, मुण्डुस सिने सिजारिबस — जसको अर्थ हुन्छ, “सीजरहरू बिनाको विश्व।”

ब्लूस्काईमा प्रयोगकर्ताहरू ग्राबरको टी-शर्टबाट यति प्रभावित भए कि प्लेटफर्मले आफ्नो डेभलपर इकोसिस्टमलाई सहयोग गर्न सो टी-शर्टको प्रतिकृति बिक्री गर्ने निर्णय गर्‍यो।

४० डलर पर्ने उक्त टी-शर्ट (स्मलदेखि एक्सएलसम्मका साइजहरूमा उपलब्ध) झन्डै ३० मिनेटमै बिक्री सकियो।

जुकरबर्गले आफूलाई रोमन तानाशाह जुलियस सीजरसँग तुलना गर्दै आएका छन् — ग्राबरले संकेत गरेको जुकरबर्गको टी-शर्टमा अउट जुक अउट निहिल लेखिएको थियो, जसको अर्थ हुन्छ “जुक या केही होइन।”

यो रोमन शासनकाललाई झल्काउने प्रख्यात ल्याटिन वाक्यांश अउट सिजर अउट निहिलबाट लिइएको हो। मेटाको साम्राज्यको तुलनामा ब्लूस्काई अझै सानो छ, तर यसको विकेन्द्रित, खुला स्रोत संरचनाले सामाजिक सञ्जालको त्यस्तो स्वरूप कल्पना गर्छ, जहाँ कुनै एक कार्यकारीले सारा शक्ति नियन्त्रणमा राख्दैन।

टेकक्रञ्चका अनुसार यसले हरेक डेभलपरलाई प्लेटफर्मको वृद्धिमा योगदान गर्ने अवसर दिन्छ। त्यसैले ग्राबरको टी-शर्ट जुकरबर्गलाई झुक्याउन गरिएको सानो प्रहार मात्र होइन — यसले ब्लूस्काई ले अनुसरण गर्न खोजेको सिद्धान्तलाई प्रतिनिधित्व गर्छ।

“यदि कुनै अर्बपतिले ब्लूस्काई लाई किनेर आफ्नो नियन्त्रणमा लिए भने, वा मैले भोलिदेखि कसैलाई मन नपर्ने परिवर्तनहरू गरें भने, मानिसहरूले फोर्क गरेर अर्को एप्लिकेसनमा जान सक्नेछन्,” ग्राबरले एसएक्सएसडब्लूमा भनिन्।

“पहिले नै नेटवर्कमा त्यस्ता एप्लिकेसनहरू छन्, जसले तपाईंलाई नेटवर्क हेर्ने नयाँ तरिका दिन्छन्, वा तपाईं आफैंले नयाँ एप बनाउने अवसर पनि पाउनुहुन्छ। त्यसकारण, त्यो खुलापनले सधैं नयाँ विकल्पमा जाने क्षमता सुनिश्चित गर्छ।”