एप्पलले आफ्नो फोल्डेबल आईप्याड प्रोको लागि अन्डर–डिस्प्ले फेस आईडीमा काम गरिरहेको लीकस्टरको दावी

काठमाडौं ।

एप्पलको फोल्डेबल आईप्याड प्रोमा अन्डर–डिस्प्ले फेस आईडी हुनेलीकस्टर डिजिटल च्याट स्टेशनले उल्लेख गरेको छ। फोल्डेबल्स र अन्डर–डिस्प्ले हार्डवेयरको बारेमा वर्षौंदेखि अफवाहहरू सुन्नमा आएका छन्।

यसै क्रममा अर्को वर्ष आउने भनिएको फोल्डेबल आईफोनको लागि नभएर आगामी फोल्डेबल आईप्याड प्रोको बारेमा अफवाहहरू बाहिरिएका छन्। यसले सबै फेस आईडी हार्डवेयर मुभ नगर्ने र यो आईआर प्रोजेक्टर र आईआर क्यामराको कम्बो (तर केवल प्रोजेक्टर) हुनेछ।

सुरुमा प्रोजेक्टर डिस्प्ले मुनि सारिने र त्यसको केही पुस्ता पछि क्यामरालाई पनि डिस्प्ले मुनि नै सारिने योजनाको साथ यो आईफोनहरूमा रहेका डाइनामिक आइल्याण्डलाई स्रिङ्क (सानो) बनाउने मूल योजना जस्तै देखिएको छ।

यो मूल रूपमा यस वर्ष आईफोन १७ मा हुने भनिएको भए पनि हालैको जानकारीले यो अपग्रेड लागू गर्न प्रयोगशालामा थप समय चाहिन्छ भन्ने सुझाव दिएको उल्लेख छ।

फोल्डेबल आईप्याड प्रो मा १८.८ इन्चको डिस्प्ले हुने अनुमान गरिएको छ जुन उपलब्ध भएका कुनै पनि म्याकबुकको भन्दा ठूलो र आईम्याक्सको भन्दा सानो (हाल २४ इन्च साइजमा मात्र बिक्री गरिन्छ, तर पहिले २१.५ इन्च मोडेलहरू उपलब्ध थिए) हुनेछ।

एप्पलले लगभग पूर्ण रूपमा फेस आईडीमा परिवर्तन गरिसकेको छ। अझै पनि केही आईप्याडहरू (भेनिला, एयर, मिनी) मा भने टच आईडी फेला पार्न सकिन्छ र अन्य (प्रो) ले फेस आईडी प्रयोग गरेका छन्।

आईफोन एसई बन्द गरिएको र १६ई ले फेस आईडीमा स्विच गरेको कारण अब आईफोनहरूमा फिङ्गरप्रिन्ट रिडर पनि उपलब्ध छैनन्। सजिलैसँग अन्डर–डिस्प्ले टच आईडी लागू गर्न सक्ने भए पनि एप्पलको लागि त्यसो गर्नुमा कुनै रुचि नभएको जस्तो देखिएको जीएसएमएरिनाले उल्लेख गरेको छ।