Technology Khabar २१ फाल्गुन २०८१, बुधबार
काठमाडौं ।
गुगल जेमिनीप्रयोगकर्ताहरूले अब आईफोनको लकस्क्रीनबाटै एआई च्याटबोट प्रयोग गर्न सक्ने भएका छन्। सोमबार आएको अपडेटपछि प्रयोगकर्ताहरूले आफ्नो फोन अनलक गर्नु अघि नै जेमिनी विजेटलाई लक स्क्रीनमा थपेर जेमिनी गुगलको रियल टाइम भ्वाइस असिस्टेन्ट जेमिनी लाइभ बोलाउन सक्नेछन्।
एप्पल को एआई-सक्षम सिरी सन् २०२७ सम्म ढिलाइ हुन सक्ने रिपोर्टहरू आइरहेका बेला एआई क्षेत्रमा प्रतिस्पर्धी कम्पनीहरूले आईफोन प्रयोगकर्ताहरूलाई आफ्नै एआई सहायकहरू उपलब्ध गराउँदैछन्।
यी सुविधाहरूले आईफोन प्रयोगकर्तालाई एलएलएम र भ्वाइस असिस्टेन्टहरूले के गर्न सक्छन् भन्ने झल्को दिन सक्छन्। तर एप्पल को एलएलएम-समर्थित सिरी आएपछि त्यो आईफोन को अन्य सुविधाहरूसँग अझ राम्रो एकीकरण हुने अपेक्षा छ।
च्याटजीपीटीको आईओएसएपले पनि एडभान्स्ड भ्वाइस मोड नामक ओपनएआईको रियल टाइम भ्वाइस सुविधा लक स्क्रीनबाटै प्रयोग गर्न दिन्छ।
जेमिनी लाइभबाहेक जेमिनीको नयाँ अपडेटमा थप लक स्क्रीन विजेटहरु पनि समावेश छन्।
गुगलले सोमबार घोषणा गरेअनुसार, मार्चको अन्त्यसम्ममा एण्ड्रोइड प्रयोगकर्ताहरूले जेमिनीबाट भिडियो र अनस्क्रिन सामग्रीबारे प्रश्न सोध्न र रियल टाइममा उत्तर प्राप्त गर्न सक्नेछन्।
यी सुविधाहरू प्रोजेक्ट आस्ट्रा अन्तर्गत ल्याइएको हो, जुन गुगल डीप माइण्डको मल्टिमोडल एआई परियोजना हो। सुरुमा यो जेमिनी एडभान्स्ड (२० डलर प्रति महिना) योजना भएका प्रयोगकर्ताहरूका लागि उपलब्ध हुने टेकक्रञ्चले उल्लेख गरेको छ।
प्रकाशित: २१ फाल्गुन २०८१, बुधबार
