चन्द्रमामा पानीको अध्ययनका लागि स्पेसएक्सले प्रक्षेपण गर्यो निजी मूनल्याण्डर र नासा ट्रेलब्लेजर

काठमाडौं ।

स्पेसएक्सको फाल्कन ९ रकेटले बुधबार (फेब्रुअरी २६) को सूर्यास्तपछि नासाको केनेडी स्पेस सेन्टर (केएससी) बाट एथिना र नासाको लुनर ट्रेलब्लेजर र्बिटरलाई चन्द्रमातर्फ प्रक्षेपण गर्यो, ।

होउस्टन-आधारित कम्पनी इन्टुइटिभ मशिन्जद्वारा निर्माण गरिएको एथिनाले नासाका १० वैज्ञानिक उपकरणहरू बोक्छ, जसको मुख्य उद्देश्य चन्द्रमामा पानी बरफको संकेतहरू पत्ता लगाउनु हो। लुनर ट्रेलब्लेजरले पनि उच्च कक्षाबाट यस्तै अनुसन्धान गर्नेछ। नासाको आर्टेमिस कार्यक्रममार्फत चन्द्रमामा मानव बस्ती स्थापना गर्ने लक्ष्य रहेकोले, यो अनुसन्धान निकै महत्वपूर्ण मानिन्छ।

नासाको साइन्स मिशन डिरेक्टरेटका एसोसिएट प्रशासक निकी फक्सले प्रक्षेपणअघिको ब्रीफिङमा भने, “हामी चन्द्रमामा मानव फिर्ताको तयारी गर्दैछौं र मङ्गल ग्रह यात्राका लागि हाम्रो प्रविधि परीक्षणबाट प्राप्त हुने विज्ञान हेर्न निकै उत्साहित छु।”

फाल्कन ९ ले आज साँझ ७:१६ ईटी (००:१७ जीएमटी, फेब्रुअरी २७) मा केएससीको लञ्च कम्प्लेक्-३९ए बाट प्रक्षेपण गर्यो। करिब ८.५ मिनेटपछि रकेटको पहिलो चरणको बूस्टर ‘अ शर्टफल ग्राभिटास ड्रोनशिपमा सफलतापूर्वक अवतरण भयो। यो आईएम-२ मिशनलाई समर्थन गर्ने फाल्कन ९ बूस्टर को नवौं प्रक्षेपण तथा अवतरणभएको स्पेस डटकमले उल्लेख गरेको छ।

फाल्कन ९ को माथिल्लो चरणले आफ्नो यात्रा जारी राख्यो। प्रक्षेपणको ४३.५ मिनेटपछि एथिनालाई ट्रान्सलुनार इन्जेक्सन कक्षामा तैनाथ गरियो, र चार मिनेटपछि लुनर ट्रेलब्लेजरलाई पनि सफलतापूर्वक कक्षामा पठाइयो।

स्पेस डटकमका अनुसार एथिनालाई मिशन आईएम-२ भनेर चिनिन्छ, किनभने यो इन्ट्युटिभ मशिन्जको लागि लगातार दोस्रो वर्षमा चन्द्रमातर्फको प्रक्षेपण हो। यो नासाको कमर्सियल लुनर पेलोड सर्भिसेज (सीएलपीएस) कार्यक्रमअन्तर्गतको मिशन हो, जसले चन्द्रमामा वैज्ञानिक तथा प्रविधिगत उपकरणहरू पठाउन व्यावसायिक साझेदारहरूलाई अवसर दिन्छ।

सीएलपीएस को महत्त्वाकांक्षी मिशनले चन्द्रमाको दक्षिणी ध्रुव नजिकको पानी बरफ र अन्य स्रोतहरूको खोजी गर्नेछ। भविष्यमा यी स्रोतहरू प्रयोग गरेर चन्द्रमामा दिगो मानव बस्ती स्थापना गर्ने इन-सितु सम्भावनाको मूल्याङ्कन गर्ने लक्ष्य छ।

आईएम-२ को सबै उद्देश्यहरू पूरा गर्न एथिनाले दुई वटा दोस्रो चरणका सवारीसाधनहरू बोकेको छ— लुनर आउटपोस्ट कम्पनीले निर्माण गरेको मोबाइल अटोनोमस प्रोस्पेक्टिङ प्लेटफर्म एमएपीपीले नामक सानो रोभर र इन्टुइटिभ मशिन्जको ‘ ग्रेस ‘ नामक हपर रोबोट, जसले अवतरण क्षेत्रको वरपर हाम फालेर अन्वेषण गर्नेछ।