विदेशमा संयुक्त लगानी गर्नका लागि टीएसएमसीले सरकारबाट अनुमति लिनुपर्ने

काठमाडौं ।

ताइवानका अर्थमन्त्री कुओ जाइ-हुयेले चिप निर्माता टीएसएमसीले कुनै पनि विदेशी संयुक्त उद्यम गर्न सरकारको अनुमति लिनुपर्ने तर सरकारले यसको निर्णयमा हस्तक्षेप नगर्ने बताएका छन्।

अमेरिकी सञ्चारमाध्यमहरूले विश्वको सबैभन्दा ठूलो चिप निर्माण कम्पनी टीएसएमसी एप्पल र एनभिडियाजस्ता कम्पनीहरूलाई आपूर्ति गर्ने टीएसएमसीले इन्टेलमा लगानी गर्ने विषयमा छलफल गरिरहेको बताएका छन्।

तर दुवै कम्पनीहरूले अहिलेसम्म यी वार्ताको पुष्टि गरेका छैनन्। यसैबीच, अमेरिकी पूर्वराष्ट्रपति डोनाल्ड ट्रम्पले ताइवानलाई अमेरिकी अर्धचालक व्यवसाय खोसेको आरोप लगाउँदै उद्योगलाई पुनः अमेरिकामा फर्काउने इच्छा व्यक्त गरेका रोयटर्सले उल्लेख गरेको छ।

ताइपेईमा पत्रकारहरूसँग कुरा गर्दै कुओले भने, “ताइवानको अर्धचालक उद्योगको जग कसैले हल्लाउन सक्दैन।”

“हामीले टीएसएमसीमा विश्वास राख्नुपर्छ, र सरकारले ‘राष्ट्र रक्षा गर्ने पवित्र पहाड’ लाई पूर्ण समर्थन गर्नेछ,” उनले थपे। यो अभिव्यक्तिले चिप क्षेत्रको महत्त्व र ताइवानको अर्थतन्त्रका लागि टीएसएमसीको भूमिकालाई दर्शाउँछ।

सरकारले टीएसएमसीका निर्णयहरूमा हस्तक्षेप जगर्ने तर, “टीएसएमसीले विश्वभर व्यवसाय विस्तार गर्न वा कुनै पनि स्थानमा संयुक्त उद्यम स्थापना गर्न सरकारको अनुमति लिनुपर्ने,” कुओले पुनः दोहोर्‍याए। ठूलो विदेशी लगानी ताइवानको अर्थ मन्त्रालयबाट स्वीकृत हुन आवश्यक छ।

टीएसएमसीले अमेरिकी राज्य एरिजोनामा नयाँ कारखानाहरू बनाउनका लागि पहिले नै ६५ अर्ब डलर लगानी गरिरहेको छ। ताइवान, जसले संयुक्त राज्य अमेरिकासँग ठूलो व्यापार अधिशेष राख्छ, ट्रम्पले व्यापार असन्तुलन हटाउन प्रस्ताव गरेको व्यापक आयात महसुलको जोखिममा पर्न सक्छ।

कुओले मन्त्रालय सरकारका वार्ताकारहरूलाई ताइवानका कम्पनीहरूको लागि उत्तम सर्तहरू सुनिश्चित गर्न ट्रम्प प्रशासनसँग शुल्कबारे छलफल गर्न आवश्यक जानकारी संकलन गरिरहेको बताए। तर, उनले वार्ताको विस्तृत विवरण दिन अस्वीकार गरे।