Technology Khabar १५ फाल्गुन २०८१, बिहीबार
काठमाडौं ।
भारतका दुई ठूला डिजिटल स्ट्रिमिङ व्यवसाय मर्ज हुने भएका छन्। टाटा समूह र भारती समूहले चाँडै नै आफ्नो स्याटेलाइट टिभी व्यवसायलाई मर्ज गर्न सक्नेछन्। यसले लगभग १.६ अर्ब डलर बराबरको संयुक्त कम्पनी सिर्जना गर्नेछ।
विगत केही वर्षहरूमा भारतमा डिजिटल स्ट्रिमिङ व्यवसाय द्रुत गतिमा बढेको छ।
मर्जर पछि बन्ने कम्पनीलाई भारती एयरटेलले सञ्चालन गर्न सक्छ। यसमा भारती एयरटेलको ५० प्रतिशतभन्दा बढी हिस्सेदारी हुने सम्भावना छ। स्रोतलाई उद्धृत गर्दै रोयटर्सको रिपोर्टले यस कम्पनीको बाँकी हिस्सेदारी टाटा प्लेका शेयरधनीहरूको हुनेछ उल्लेख गरेको छ। यी शेयरधारकहरूमा वाल्ट डिज्नी पनि समावेश हुनेछ।
टाटा सन्सको टाटा प्लेमा लगभग ७० प्रतिशत हिस्सा छ। यस कम्पनीको बाँकी हिस्सेदारी वाल्ट डिज्नीको हो। गत वर्ष सेप्टेम्बरमा, एयरटेल डिजिटल टिभी र टाटा प्लेका कुल ग्राहकहरूको संख्या ३ करोड ५० लाखभन्दा बढी थियो।
केहि समय अघि, भारतमा जियोसिनेमा र डिज्नी प्लस हटस्टारलाई मर्ज गरेर जियोहटस्टार नामक कम्पनी सुरु गरिएको थियो।
इन्टरनेट सस्तो भएसँगै पछिल्ला केही वर्षहरूमा भारतमा स्ट्रिमिङ प्लेटफर्महरूको लोकप्रियता द्रुत गतिमा बढेको रिपोर्टमा उल्लेख छ।
प्रकाशित: १५ फाल्गुन २०८१, बिहीबार
