रियलमी पी३ प्रो र पी३एक्स ६,००० एमएएच ब्याट्री र आईपी६९ रेटिङका साथ आउने

काठमाडौं ।

रियलमी पी३ सिरिज अन्तर्गतका पी३ प्रो र पी३एक्स अब भारतमा आधिकारिक रूपमा लन्च गरिएको छ। दुवै फोनहरूमा ६,००० एमएएच ब्याट्री समावेश गरिएको छ।

पी३एक्सले ४५ वाट वायर्ड चार्जिङ समर्थन गर्नेछ भने पी३ प्रोले ८० वाटसम्म समर्थन गर्नुका साथै बाइपास चार्जिङ सुविधाहरू पनि रहेको छ। दुवै फोनहरू एन्ड्रोइड १५ मा आधारित रियलमी यूआई ६.० बुट गर्दछ भने प्रेसराइज्ड वाटर जेट्स एण्ड डस्ट विरुद्ध आईपी६८/६९ रेटिङ गरिएका छन्।

रियलमी पी३ प्रो
पी३ प्रो अधिक सक्षम डिभाइस भएको उल्लेख गरिएको छ। यसमा १,५०० निट्सको लोकल पीक ब्राइटनेसको साथ ६.८३–इन्चको क्वाड–कभ्र्ड ओएलईडी (एफएचडी+ १२० हर्ज) रहेको छ। त्यसैगरी डिभाइसको हेल्ममा स्न्यापड्रागन ७एस जेन ३ चिपसेट १२जीबी र्याम र २५६जीबी स्टोरेजसँग पेयर्ड गरिएको छ।

रियलमी पी३ प्रोको पछाडिको भागमा ओआईएस र २ मेगापिक्सेलको डेफ्थ हेल्पर भएको ५० मेगापिक्सेलको मेन क्यामरा (आईएमएक्स८९६) रहेको छ। थर्मललाई नियन्त्रणमा राख्न मद्दत गर्नका लागि रियलमीले ६०५०एमएम२ भीसी कुलिङ सिस्टम पनि समावेश गरेको छ।

रियलमी पी३ प्रो नेबुला ग्लो, ग्यालेक्सी पर्पल र स्याटर्न ब्राउन रङ्गहरूमा आउने बताइएको छ। त्यसैगरी ८/१२८जीबी ट्रिमको मूल्य निर्धारण २३,९९९ भारतीय रुपैयाँ (२७६ अमेरिकी डलर) मा सेट गरिएको छ भने टप टियर (शीर्ष–श्रेणी) १२/२५६जीबी मोडेलको मूल्य २६,९९९ भारतीय रुपैयाँ (३१० अमेरिकी डलर) रहेको उल्लेख गरिएको छ। खुला बिक्री रियलमी र साझेदार खुद्रा विक्रेताहरूबाट फेब्रुअरी २८ तारिखमा सुरु हुने तालिका रहेको उल्लेख छ।

रियलमी पी३एक्स
पी३एक्स मिडियाटेकको नयाँ डाइमेन्सिटी ६४०० चिपसेटको साथ लन्च गरिएको पहिलो फोन भएको बताइएको छ जुन ८जीबी र्याम र २५६जीबी स्टोरेजसँग पेयर्ड गरिएको छ।

पी३एक्समा १२० हर्ज रिफ्रेस रेट र ९५० निट्सको पीक ब्राइटनेसको साथ एफएचडी+ रिजोल्युसनसहितको ६.७२ इन्चको आईपीएस एलसीडी रहेको छ। पी३एक्समा ५० मेगापिक्सेलको मेन क्यामरा (ओभी५०डी) र २ मेगापिक्सेलको डेफ्थ हेल्पर समावेश गरिएको छ।

रियलमी पी३एक्स लुनार सिल्भर, मिडनाइट ब्लू र स्टेलर पिंक रङ्गमा आउने छन्। ६/१२८जीबी ट्रिमको लागि मूल्य १३,९९९ भारतीय रुपैयाँ (१६१ अमेरिकी डलर) मा सुरु हुन्छ भने ८जीबी र्याम भएको संस्करणको मूल्य १४,९९९ भारतीय रुपैयाँ (१७२ अमेरिकी डलर) हुने छ। खुला बिक्री रियलमी र साझेदार खुद्रा विक्रेताहरूबाट फेब्रुअरी २८ तारिखमा सुरु हुने तालिका रहेको जीएसएमएरिनाले उल्लेख गरेको छ।