विश्वव्यापी अर्धचालक उद्योगको राजस्व सन् २०२४ मा १८ प्रतिशतले बढ्यो: प्रतिवेदन

काठमाडौं ।

सोमबार जारी गरिएको एक प्रतिवेदन अनुसार, विश्वव्यापी अर्धचालक (सेमीकण्डक्टर) उद्योग २०२४ मा बलियो रहेको अपेक्षा गरिएको छ, जसको राजस्व वार्षिक रूपमा १८ दशमलब १ प्रतिशतले बढेर ६२६ अर्ब डलर पुगेको छ।

गार्टनरको रिपोर्ट अनुसार, यो सकारात्मक गति जारी रहने अपेक्षा गरिएको छ र सन् २०२५ मा अर्धचालक कम्पनीहरूको कुल राजस्व ७०५ बिलियन डलर पुग्ने अनुमान गरिएको छ।

गत वर्ष उद्योगको कुल राजस्वको ७४ दशमलब ८ प्रतिशत मेमोरी सेमीकन्डक्टरको हिस्सा थियो। यसबाहेक, गैर-मेमोरी अर्धचालक खण्डको आम्दानी ६ दशमलब ९ प्रतिशतले बढेको छ।

शीर्ष २५ अर्धचालक कम्पनीहरू मध्ये ११ ओटाले दोहोरो अंकको राजस्व वृद्धि रेकर्ड गरेका छन् भने आठ कम्पनीहरूले राजस्वमा गिरावट आएको बताएको रिपोर्टमा उल्लेख छ।

सामसङ इलेक्ट्रोनिक्सले इन्टेललाई उछिन्दै विश्वको शीर्ष सेमीकण्डक्टर विक्रेताको रूपमा आफ्नो स्थान पुन: प्राप्त गरेको छ।

दक्षिण कोरियाली टेक जायन्टले मेमोरी मूल्यमा आएको तीव्र सुधारबाट फाइदा उठायो, जसले गर्दा २०२४ मा यसको राजस्व ६६.५ अर्ब डलर पुग्यो।

यसैबीच, कम्पनीको एआई पीसी र कोर अल्ट्रा चिपसेटले उल्लेखनीय प्रभाव पार्न नसकेपछि इन्टेल दोस्रो स्थानमा झर्यो।

२०२४ मा इन्टेलको अर्धचालक राजस्व शुन्य दशमलब एक प्रतिशतले बढ्दै लगभग स्थिर रहने अनुमान गरिएको छ।

एनभिडियाको व्यवसायमा वृद्धि देखियो। कम्पनीको अर्धचालक राजस्व ८४ प्रतिशतले बढेर ४६ अर्ब डलर पुगेको छ, जसले गर्दा एनभिडिया राजस्वको हिसाबले यस क्षेत्रको तेस्रो ठूलो कम्पनी बनेको छ।

सेमीकण्डक्टर उद्योगको विस्तारमा मेमोरी खण्डले प्रमुख भूमिका खेलेको छ। २०२४ मा आम्दानीमा ७१ दशमलब ८ प्रतिशत वृद्धि भएको छ। डीर्याम राजस्व ७५ दशमलब ४ प्रतिशतले बढेको छ भने एनएएनडी (NAND) राजस्व पनि वार्षिक रूपमा ७५ दशमलब ७ प्रतिशतले बढेको छ।

यो वृद्धिको पछाडिको प्रमुख कारक उच्च-ब्यान्डविथ मेमोरी (एचबीएम) को बढ्दो माग थियो, जसले डीर्याम बिक्रीमा महत्त्वपूर्ण योगदान पुर्यायो।

२०२४ मा कुल डीर्याममा एबीएमको हिस्सा १३ दशमलब ६ प्रतिशत हुनेछ, र २०२५ मा यसको हिस्सा १९ दशमलब २ प्रतिशत पुग्ने अपेक्षा गरिएको छ।