आईओएस १८.३ ले टी–मोबाइल प्रयोगकर्ताहरूको लागि सुटुक्क थप्यो स्टारलिङ्क स्याटेलाइट कनेक्टिभिटी समर्थन

काठमाडौं ।

एप्पलले आफ्नो आईओएस १८.३ अपडेट सार्वजनिक गरेको छ। यद्यपि चेन्जलगमा भने उल्लेख नगरिएको उक्त एक नयाँ सुविधाले संयुक्त राज्य अमेरिकामा टी–मोबाइलमा स्टारलिङ्कको डाइरेक्ट–टू–सेल सर्भिस (सेवा) को लागि समर्थन गर्ने उल्लेख गरिएको छ।

गत महिना बिटामा लन्च गरिएको यो सेवाले सेल कभरेज बिना डेड जोन एरिया (क्षेत्र) मा टेक्स्ट म्यासेजहरू पठाउने र प्राप्त गर्ने क्षमता प्रदान गर्दछ। अब, आईफोन १४ वा पछिका प्रयोगकर्ताहरूले टी–मोबाइलको यूएस नेटवर्कमा सेल कभरेज बिनाका क्षेत्रहरूमा आपतकालीन सेवाहरूलाई सम्पर्क गर्न, टेक्स्ट म्यासेजहरू पठाउन र तिनीहरूका कन्ट्याक्टहरूमा स्थानहरू सेयर गर्न सक्नेछन्।

पहिले डिफल्ट स्याटेलाइट कनेक्टिभिटी प्रदायक ‘ग्लोबलस्टार’ मात्र प्रयोग गरेर स्याटेलाइट मार्फत आपतकालीन सेवाहरूमा सम्पर्क गर्न सीमित रहेका आईफोन प्रयोगकर्ताहरूका लागि कन्ट्याक्टहरूलाई म्यासेज पठाउने क्षमता उल्लेखनीय थप भएको बताइएको छ।

स्टारलिङ्क डाइरेक्ट–टू–सेल सर्भिस (सेवा)ले फोनलाई स्याटेलाइट तर्फ नदेखाइकनै स्वचालित रूपमा काम गर्ने जनाइएको छ। एक पटक जडान भएपछि प्रयोगकर्ताहरूले आफ्नो फोनमा टी–मोबाइल स्पेसएक्स स्ट्याटस इन्डिकेटर देख्नेछन्।

आईफोनले स्याटेलाइट कनेक्टिभिटीलाई समर्थन गर्ने र आईओएस १८.३ मा अपडेट गरिएको छ भने स्याटेलाइट (उपग्रह) मार्फत टेक्स्ट म्यासेज (सन्देश) हरू पठाउन सकिने छ भनि टी–मोबाइल प्रयोगकर्ताहरूले स्टारलिङ्क बिटा सेवाको लागि क्यारियरबाट टेक्स्ट म्यासेज (सन्देश)हरू प्राप्त गर्न थालेको उल्लेख गरिएको छ।

यो सेवा बिटा परीक्षण चरणको अवधिमा निःशुल्क हुनेछ र टी–मोबाइलले यस वर्षको अन्त्यमा पूर्ण रूपमा लन्च हुँदा व्यावसायिक मूल्य निर्धारणको विवरणहरू प्रदान गर्नेछ।

त्यहाँ उपग्रह मार्फत डाटा कनेक्सन (जडान) हरू र भ्वाइस कलहरू विस्तार गर्ने योजनाहरूका साथै टी–मोबाइलले विश्वव्यापी रोमिङ साझेदारहरू र स्पेसएक्ससँग अमेरिका बाहिर आफ्नो डायरेक्ट–टू–सेल सर्भिस (सेवा) विस्तार गर्ने योजनाहरूको पनि पुष्टि गरेको जीएसएमएरिनाले उल्लेख गरेको छ।