माइक्रोसफ्टले पीसीहरूलाई विन्डोज ११ २४एच२ मा बलपूर्वक अपग्रेड गर्दै

काठमाडौं ।

माइक्रोसफ्टले आफ्नो डेस्कटप अपरेटिङ सिस्टमको पछिल्लो पुनरावृत्ति विन्डोज ११ २४एच२ को लागि आफ्नो अपडेट नीतिलाई गति दिएको छ। त्यसैले विन्डोज ११ २४एच२ अपडेट तपाईँको मेसिनमा नचाहे पनि आउने भएको छ।

विन्डोज ११ २४एच२ सन् २०२४ को अक्टोबर तारिखदेखि वैकल्पिक अपग्रेडको रूपमा उपलब्ध हुँदै आएको उल्लेख छ। सन् २०२५ को जनवरी १६ तारिखदेखि भने चीजहरूमा परिवर्तन हुने भएको बताइएको छ। माइक्रोसफ्टले कम्प्याटिबल विन्डोज ११ पीसीहरूमा स्वचालित रूपमा विन्डोज ११ २४एच२ डाउनलोड र स्थापना गर्न सुरु गरेको छ।

यो बाध्यकारी अपडेट विन्डोज ११ होम र प्रो संस्करणहरू चलाउने उपभोक्ता पीसीहरूमा सीमित रहेको बताइएको छ। अहिलेको लागि संस्थागत संस्करणमा भने यो अपडेट लागू नगरिएको उल्लेख छ।

त्यसैगरी माइक्रोसफ्टले एक चरणबद्ध तरिका अपनाइरहेको हुनाले सबै प्रयोगकर्ताहरूले अपडेट नोटिफिकेसन (सूचना तत्काल प्राप्त नगर्ने उल्लेख गरिएको छ। कम्पनीले बगहरू र समस्याहरूको लागि निगरानी गर्दै बिस्तारै प्रयोगकर्ताहरूको सबसेटमा अपडेट पठाइने बताइएको छ र त्यसपछि रोलआउटलाई थप विस्तार गर्ने उल्लेख छ।

सहज अपडेट अनुभव सुनिश्चित गर्नको लागी यस पछाडिको तर्क भएको उल्लेख गरिएको छ। माइक्रोसफ्टले यस प्रकारको तवर अपनाएर फराकिलो रिलीज गर्नु अघि उत्पन्न हुन सक्ने कुनै पनि प्रमुख समस्याहरू पहिचान गर्न र स्क्वाश गर्न सक्नेछ।

साथै यो चरणबद्ध रोलआउटले कम्पनीलाई प्रारम्भिक प्रयोगकर्ताहरूबाट प्रतिक्रिया सङ्कलन गर्ने र कुनै पनि अनुकूलता सरोकारहरूलाई सम्बोधन गर्ने मौका दिने उल्लेख गरिएको छ।

त्यसैगरी यस अपडेटलाई म्यानुअल रूपमा जाँच गर्न सकिने बताइएको छ। सेटिङ्हरू भित्र विन्डोज अपडेटमा गएर “चेक फर अपडेट” सेलेक्ट (चयन) गर्न सकिने छ। यदि तपाईंको डिभाइस कम्प्याटिबल (उपयुक्त) छ र माइक्रोसफ्टले तपाईंको खाताको लागि स्विच फ्लिप गरेको छ भने तपाईंले २४एच२ संस्करण डाउनलोड र स्थापना गर्ने विकल्प देख्नुहुनेछ।

विन्डोज ११ २४एच२ मा विशेष गरी खेलहरूसँग सम्बन्धित त्रुटिहरूका केही रिपोर्टहरू आएको उल्लेख गरिएको छ। यद्यपि माइक्रोसफ्टले यी मध्ये धेरैलाई हालैका प्याचहरूद्वारा समाधान गरिएको भन्ने आश्वासन दिएको गीज्मोचाइनाले उल्लेख गरेको छ।