ब्राजिलका विद्यालयहरुमा स्मार्टफोन प्रयोग गर्न प्रतिबन्ध

काठमाडौं ।

ब्राजिलले विद्यालयमा स्मार्टफोनमा प्रतिबन्ध लगाएको छ। ब्राजिलका राष्ट्रपति लुइज इनासियो लुला दा सिल्भाले सोमबार विद्यालयमा स्मार्टफोनको प्रयोगमा प्रतिबन्ध लगाउने विधेयकमा हस्ताक्षर गरेसँगै यो कानुन लागु भएको छ।

तर, स्मार्टफोनको सहायतामा कक्षा लिइरहेका अपाङ्गता भएका र फरक क्षमताका विद्यार्थीहरूलाइ भने यो नयाँ नियमले अप्ठयारो पार्ने जनाएका छन्।

शिक्षा मन्त्री क्यामिलो सान्टानाले सोमबार राजधानी ब्रासिलियामा पत्रकारहरूलाई भने, ‘बच्चाहरू सानै उमेरमा अनलाइन जान्छन्, आमाबाबुलाई उनीहरूले के गरिरहेका छन भने हेर्न गाह्रो बनाइरहेका थिए, अब स्कूलमा स्मार्टफोनको प्रतिबन्धले अभिभावकलाई अब सजिलो बनाउनेछ।’

‘हामी ती उपकरणहरू अन्य धेरै देशहरूमा जस्तै कक्षामा शैक्षिक उद्देश्यका लागि र शिक्षकको मार्गदर्शनको साथ प्रयोग गर्न चाहन्छौं,’ सान्तानाले थप भने।

गएको मे महिनामा, एक अग्रणी थिंक-ट्याङ्क र विश्वविद्यालय, फन्डाकाओ गेटुलियो वर्गासले उल्लेख गरेअनुसार, ब्राजिलमा मानिसहरू भन्दा बढी स्मार्टफोनहरू छन्, २० करोड ३० लाख ब्राजिलियन जनसंख्याको लागि २५ करोड ८० लाख डिभाइसहरू छन्।

ब्राजिलियनहरूले प्रति दिन ९ घण्टा १३ मिनेट स्क्रिनमा बिताउँछन्, जुन विश्वको उच्चतम तथ्याङ्कहरू मध्ये एक भएको स्थानीय बजार अनुसन्धानकर्ताहरूले गत वर्ष भनेका थिए।

सन २०२३ सम्ममा ब्राजिलका दुई तिहाइ विद्यालयहरूले सेलफोन प्रयोगमा केही प्रतिबन्ध लगाएका थिए भने जबकि २८ प्रतिशतले यसअघि नै पूर्ण रूपमा प्रतिबन्ध लगाएको ब्राजिलको इन्टरनेट स्टेयरिङ समितिले गत अगस्टमा जारी गरेको सर्वेक्षणमा उल्लेख गरिएको थियो।

अब सरकारले नै पुर्ण प्रतिबन्ध लगाउँदै स्मार्टफोन लिएर विद्यालय आउनदिएको भेटिएमा कारबाही गर्ने पनि नयाँ कानुनमा उल्लेख छ।