एप्पलको चिपलाई कडा प्रतिस्पर्धा दिने तयारीमा यी दुई कम्पनी, ल्याउनेछन् शक्तिशाली प्रोसेसर

काठमाडौं ।

स्मार्टफोनमा प्रोसेसिङ्गको कुरा गर्दा, एप्पललाई एकल कोर प्रदर्शनको मास्टर मानिन्छ। कम्पनी एकल कोर कार्यसम्पादनमा अग्रणी रहेको छ। तर एप्पलको यो उपाधि चाँडै नै खोसिन सक्छ। एक प्रसिद्ध टिप्सटरले दाबी गरेका छन् कि क्वालकम र मिडियाटेकका आगामी चिपसेटहरूले यस मामिलामा एप्पललाई कडा प्रतिस्पर्धा दिन सक्छन्।

एप्पलको एम ४ चिपको सिंगल-कोर परफर्मेन्स प्रभुत्व चाँडै समाप्त हुन सक्छ। क्वालकमको आगामी स्न्यापड्रागन ८ एलिट २ चिपसेट र मिडियाटेकको आगामी डाइमेन्सिटी ९५०० चिपसेटले यस मामिलामा एप्पललाई कडा प्रतिस्पर्धा दिन सक्छ।

एक प्रसिद्ध चिनियाँ टिपस्टर, डिजिटल च्याट स्टेशनले वेईबोमा एक पोस्ट मार्फत दाबी गर्दै यी दुवै कथित चिपसेटहरूले एआरएमको स्कयाल्याब म्याट्रिक्स एक्स्टेन्सन (Scallab Matrix Extension (SME) प्रयोग गर्ने बताएका छन्। यो निर्देशहरूको एक सेट हो जसले प्रोसेसरलाई जटिल कार्यहरू सहज रूपमा गर्न सक्षम बनाउँछ। यस कारणले गर्दा, आगामी चिपसेटहरूमा राम्रो सिंगल कोर कार्यसम्पादन देख्न सकिनेछ।

टिपस्टरको विश्वास छ कि यो भएपछि, यी आगामी चिपसेटहरूले एप्पलको एम ४ चिपसेटलाई कडा प्रतिस्पर्धा दिन सक्षम हुनेछन्। एसएमई समर्थन बाहेक, टिपस्टरले यी चिपहरु टीएसएमसीको ३ एनएम एन३पी (3nm N3P) प्रोसेसिङ्गमा बनाइने बताएका छन। यसले चिपसेटको दक्षता पनि बढाउनेछ।

स्न्यापड्रागन ८ एलिट २ मा ५.०० गीगाहर्जसम्मको फ्रिक्वेन्सीमा क्लक गरिएको कोरहरू हुन सक्छन्। डाइमेन्सिटी ९५०० को कोरहरू ४.०० गीगाहर्ज सम्म पुग्न सक्छन्।

स्मार्टफोनहरूमा चिपसेट कार्यसम्पादनको कुरा गर्दा एप्पलले केही समयदेखि सिंगल कोर कार्यसम्पादनको पक्षमा वकालत गर्दै आएको छ। साथै, क्वालकम र मिडियाटेक जस्ता कम्पनीहरू मल्टि-कोरमा यसको नजिक पुग्न सफल भएका छन्। अब एप्पलले चाँडै नै सिंगल कोरमा पनि प्रतिस्पर्धा गर्नुपर्ने हुन सक्छ। यद्यपि, यो जानकारी हाल अनुमानमा मात्र आधारित छ।