प्रतिबन्धका बावजूद अमेरिकामा उन्नत ‘थेरापी’ मेशिनहरु निर्यात गर्दै चीनको वुक्सी एपटेक

काठमाडौं ।

चीनको वुक्सी एपटेकका सहायक कम्पनीहरूले अमेरिकी निजी इक्विटी फर्म अल्टारिस एलएलसीसँग आफ्नो कोषिका र जीन थेरापी निर्माण इकाई वुक्सी एडभान्स्ड थेरापी बिक्री गर्ने सम्झौतामा हस्ताक्षर गरेको छ। यस सम्झौताको आर्थिक विवरण सार्वजनिक गरिएको छैन।

रोयटर्सका अनुसार वुक्सी एपटेक र अन्य चिनियाँ कम्पनीहरू पछिल्लो समय अमेरिकी राष्ट्रिय सुरक्षा चिन्ताहरूका कारण संयुक्त राज्य अमेरिकामा उनीहरूको व्यवसायमा लगाम लगाउनका लागि बनाइएका नयाँ कानुनहरूको केन्द्रमा परेका छन्।

सप्टेम्बरमा अमेरिकी प्रतिनिधि सभाले यस्ता लक्षित कम्पनीहरूसँग र तीसँग कारोबार गर्ने संस्थाहरूसँग संघीय सम्झौता निषेध गर्ने विधेयक पारित गरेको थियो। यी विधेयकहरू अमेरिकी नागरिकहरूको स्वास्थ्य र आनुवंशिक जानकारी विदेशी प्रतिस्पर्धीहरूबाट सुरक्षित राख्न र अमेरिकी औषधि तथा बायोटेक कम्पनीहरूलाई चीनमा निर्भरता घटाउन प्रोत्साहन दिनका लागि बनाइएका हुन्।

वुक्सी एपटेकले आफ्नो बेलायमा आधारित सञ्चालन संस्था अक्सफोर्ड जेनेटिक्स समेत अल्टारिस एलएलसीलाई बेच्ने जानकारी दिएको छ। अल्टारिसले यसबारे थप टिप्पणी गर्न अस्वीकार गरेको छ भने वुक्सी एपटेकले रोयटर्सको प्रतिक्रियाको अनुरोधमा कुनै उत्तर नदिएको बताइएको छ।