Technology Khabar ६ पुष २०८१, शनिबार
काठमाडौं ।
एप्पलले भर्खरै आफ्नो २०२४ एप स्टोर अवार्डका विजेताहरूको घोषणा गरेको छ। एप स्टोर सम्पादकहरूद्वारा छनोट गरिएका ४५ फाइनलिस्टमध्ये १७ एप र गेम्सले शीर्ष सम्मान प्राप्त गरेका छन्।
एप्पल इकोसिस्टममा आईफोन, आईप्याड, म्याक, र अन्य डिभाइसहरूमा एपहरू फैलिएको हुनाले त्यहाँ सबैका लागि केहि रहेको उल्लेख गरिएको छ।
“उपयोगकर्ताहरूको जीवनलाई समृद्ध बनाउने र उनीहरूको समुदायमा गहिरो प्रभाव पार्ने अनुभवहरू प्रदान गर्न एप्पल डिभाइस र प्रविधिको शक्ति प्रयोग गर्ने विकासकर्ताहरूको यो प्रभावशाली समूहलाई सम्मान गर्न पाउँदा हामी हर्षित छौं। यस वर्षका विजेताहरूको उल्लेखनीय उपलब्धिहरूले एप्सहरू मार्फत अनलक गर्न सकिने अविश्वसनीय चतुरता देखाउँछन्,” एप्पलका सीईओ टिम कुकले बताइएको हार्डवेयरजोनले उल्लेख गरेको छ।
एप स्टोर अवार्ड २०२४ का विजेताहरूको सूची
एप्सहरू
गेम्स (खेलहरू)
कल्चरल ईमप्याक्ट
हाइलाइटहरू
एएफके जर्नीलाई आईफोन गेम अफ द इयर विजेताको रूपमा घोषणा गरिएको र यो कुनै आश्चर्यको कुरा नभएको बताइएको छ। यसको निरन्तर विज्ञापन बमबारीको बावजुद, खेलको अद्वितीय गेमप्ले र उत्कृष्ट कला शैलीको साथ यसले सुरुवातदेखि नै राम्रो प्रदर्शन गरेको उल्लेख छ।
साथै यो विश्वव्यापी रूपमा १६ मिलियन भन्दा बढी डाउनलोडहरू गरिएको उल्लेख छ। लिलिथ गेम्सद्वारा कम्पनीको लोकप्रिय एएफके एरिना टाइटल (शीर्षक) को सिक्वेलको रूपमा विकास गरिएको एएफके जर्नीले आफ्नो मुद्रीकरण परम्परालाई कायम राख्दै मोबाइल खेलहरूमा गुणस्तर, गहिराइ र आकर्षक मेकानिकीहरू कसरी हुन सक्छन् भनेर पुनः परिभाषित गरेको उल्लेख छ।
सुपरसेलको स्क्वाड बस्टर्सले आईप्याड गेम अफ द इयर जितेको छ। साथै सुपरसेलका अन्य खेलहरू जस्तै ब्रल स्टार्स, क्ल्यास अफ क्लान वा क्ल्यास रोयाल पनि रहेका छन्।
यो खेलले ठूलो स्क्रिनबाट फाइदा लिने भएकाले खेलाडीहरूले आईप्याडको ठुलो डिस्प्लेमा उनीहरूले क्लच प्लेहरू नछुटाउनको लागि रमाइलो गर्न सक्नेछन्।
त्यसैगरी अन्तरक्रियात्मक स्टोरी (कथा) एप तिर बढी झुकाव भएको व्हाट इफ…? एन इमर्सिभ स्टोरी एप्पल भिजन प्रो एप अफ द इयर विजेता बन्न सफल भएको र यो एपले एप्पल भिजन प्रो प्रयोगकर्ताहरूलाई आफूलाई अनुकूल हात इशाराहरू र आँखा ट्र्याकिङहरू प्रयोग गरेर शत्रुहरूसँग लड्न र कास्ट स्पेलहरू प्रयोग गर्न अनुमति दिने बताइएको छ।
यो इन्टरएक्टिभ स्टोरी (अन्तरक्रियात्मक कथा) ले पहिरनकर्तालाई भिजन प्रो मा क्स्डि रियालिटी र भर्चुअल रियालिटी मोडहरू बीच स्विच गर्न अनुमति दिने उल्लेख गरिएको छ।
एप्पल आर्केड गेम अफ द इयर बन्न सफल बालाट्रो+ अर्को स्ट्यान्डआउट भएको बताइएको छ। यस गेमले गेम अफ द इयर अवार्ड हात पार्नुको साथै हालैको द गेम अवार्ड २०२४ मा बेस्ट इन्डिपेन्डेन्ट, बेस्ट डेब्यु इन्डी गेम र बेस्ट मोबाइल गेम अवार्ड पनि जितेको थप उल्लेख गरिएको छ।
एनवाईटी गेम्सलाई कल्चरल ईमप्याक्ट विजेताको रूपमा घोषणा गरिएको र यसको लागि न्यूयोर्क टाइम्सको वर्डलको अधिग्रहणको लागि धन्यवाद दिइएको उल्लेख छ। एपसँग वर्ड (शब्द) र लजिक पजल्सहरू उपलब्ध हुनुको साथै अन्य खेल सामग्रीहरू पनि छन्।
प्रकाशित: ६ पुष २०८१, शनिबार
