Technology Khabar ३० मंसिर २०८१, आईतवार
काठमाडौं ।
स्पेसएक्सले गत डिसेम्बर १३ का दिन अर्को समूहका स्टारलिंक ब्रडब्यान्ड स्याटलाइटहरूलाई सफलतापूर्वक कक्षमा प्रक्षेपण गरेको हो।
२२ वटा स्टारलिंक स्याटलाइटहरू जोडिएको फाल्कन ९ रकेट क्यालिफोर्नियाको भ्यान्डेनबर्ग स्पेस फोर्स बेसबाट स्थानीय समयअनुसार दिउँसो १:५५ बजे (२१:५५2 जीएमटी) प्रक्षेपण गरियो।
स्पेस डटकमका अनुसार रकेटको पहिलो चरण योजनाअनुसार पृथ्वीमा पुन: फर्कियो र प्रक्षेपणको झन्डै आठ मिनेटपछि “अफ कोर्स आई स्टिल लभ यू” नामको स्पेसएक्सको ड्रोन जहाजमा सुरक्षित रूपमा अवतरण गर्यो।
यो बूस्टरको यो नवौं उडान र अवतरण भएको र यसमा सातवटा स्टारलिंक मिशनहरू पनि समावेश रहेको स्पेसएक्सले जनाएको छ छ। फाल्कन ९ को माथिल्लो चरणले प्रक्षेपणको ६० मिनेटपछि २२ स्टारलिंक स्याटलाइटलाई पृथ्वीको तल्लो कक्षमा छोड्नेछ।
स्पेसएक्सले २०२४ मा अहिलेसम्म १२० भन्दा बढी फाल्कन ९ मिशनहरू सम्पन्न गरिसकेको छ जसमध्ये करिब ७०% मिशन स्टारलिंक मेगाकन्ष्टेलेसन निर्माणमा समर्पित छन्। हाल यो मेगाकन्ष्टेलेसनमा ६,८०० भन्दा बढी सञ्चालनमा रहेका स्याटलाइटहरू समावेश छन्।
प्रकाशित: ३० मंसिर २०८१, आईतवार
