आईफोन १७ मा स्लीक डिजाइन र गुगल पिक्सेल–प्रेरित क्यामरा डिजाइन रहेको लीकको खुलासा

काठमाडौं ।

एप्पल आईफोन १६ सिरिज केही महिना अघि मात्र लन्च भएको थियो र यसैक्रममा आगामी आईफोन १७ लाइनअपको डिजाइनको खुलासा गर्दै प्रारम्भिक लीक देखा परेको छ। यस लीक रेन्डरले पछाडिको डिजाइनमा ठूलो परिवर्तन देखाएको छ।

एप्पल आईफोन १७ को नयाँ डिजाइनको खुलासा
आईफोन १७ सिरिज मोडेलको रेन्डर वेइबो (चिनियाँ माइक्रोब्लगिङ वेबसाइट) मा ज्ञात टिपस्टर डिजिटल च्याट स्टेशनले सार्वाजनिक गरेको छ। लीक भएको उक्त तस्बिरमा एप्पलले क्याप्सुल आकारको मोड्युल राखेको छ जुन बेस आईफोन १६ (टेकआउटलुक मार्फत) मा देखिएको थियो।

यद्यपि, इमेज सेन्सरहरू भने भर्टिकल्ली (ठाडो रूपमा) स्ट्याक नगरिएको र बरु, तिनीहरूले हालैको गुगल पिक्सेल ९ बाट प्रेरणा लिएको उल्लेख छ।

लीक भएका रेन्डरहरूले तीनवटा क्यामरा सेन्सर र एलईडी फ्ल्यास रहेको देखाएको छ। क्युपर्टिनो आधारित कम्पनीले आईफोन १६ मा डिजाइन रिफ्रेस ल्याएको थियो भने अब आईफोन १७ ले पनि एक बोल्ड परिवर्तन गरिरहेको जस्तो देखिएको बताइएको छ।

त्यसैगरी यदि यो लीक साँचो भएको खण्डमा भने, वर्षौंपछि आईफोनमा यो परिवर्तन सबैभन्दा ठूलो हुने थप उल्लेख गरिएको छ। यद्यपि क्यामेरा सेटअपको सही विवरण अझै पनि अस्पष्ट रहेको र एन्ड्रोइड स्मार्टफोन निर्माताहरूले पनि यस्तै डिजाइन अपनाइरहेका हुन सक्छन् भनि डिजिटाट च्याट स्टेशनले थप उल्लेख गरेको छ।

त्यसैगरी तीनवटा क्यामरा सेन्सरहरूले यो आईफोन १७ प्रो सिरिज मोडेल हुन सक्ने सङ्केत गर्दछ। यस बाहेक, लीकले आईफोन १७ प्रो को साइडमा डेडिकेटेड क्यामरा बटन पनि प्याक गर्ने खुलासा गरेको छ।

यो निकै प्रारम्भिक लीक भएको हुनाले यो रिपोर्टलाई हाल्का तवरले लिनको लागि सुझाव दिइएको छ। साथै एप्पलले यति ठूलो परिवर्तन ल्याउने यो अझै पनि असम्भव देखिने बताइएको छ। त्यसैले अर्को जेन आईफोनहरूको बारेमा थप जानकारी उपलब्ध भएसँगै अन्य अपडेटहरू प्रदान गरिने गीज्मोचाइनाले उल्लेख गरेको छ।

यसबाहेक सन् २०२५ आईफोन लाइनअपमा नयाँ आईफोन १७ एयर मोडेल समावेश हुन सक्ने बताइएको छ जुन आईफोन १६ भन्दा २ मिमी पातलो हुन सक्ने उल्लेख गरिएको छ।