शाओमी वाईयू७ को आधिकारिक रूपमा लेइ जुनले गरे पुष्टि, थप फोटोहरू सार्वजनिक 

काठमाडौं ।

शाओमीका सीईओ लेई जुनले वाईयू७ इलेक्ट्रिक एसयूभीको आधिकारिक पुष्टि गरेका छन्। साथै उनले कम्पनीको दोस्रो ईभी बजारमा ल्याउनु अघि कडा सडक परीक्षण भइरहेको र अर्को वर्षको जुन वा जुलाई महिनामा आउने पुष्टि गरेको छन्।

जुनले एक विज्ञप्तिमा व्यापक परीक्षणको महत्त्वलाई जोड दिँदै “भारी क्यामफ्लजले हामीलाई प्रोडक्ट (उत्पादन) को गुणस्तरको ग्यारेन्टी गर्न र उत्कृष्ट सवारी साधन प्रदान गर्नका लागि थप व्यापक, विस्तृत र ठूला स्तरको परीक्षणहरू सञ्चालन गर्न अनुमति दिएको”  टिप्पणी गरेका छन्।

वाईयू७ ले शाओमी एसयू७ को जस्तै डिजाइन भाषा प्रयोग गरेको बताइएको छ। वाईयू७ ले अगाडि परिचित हेडलाइटहरू र फासिया सेप्स (आकारहरू) सहित क्लोज्ड–अफ लुक कायम राखेको छ।

साथै वाईयू७ को पछाडिको प्रोफाइल भने पूर्ण चौडाइको टेल लाइट र रूफ स्पोइलरको साथ आउने  र जसले गाडीको स्पोर्टी प्रोफाइलमा योगदान पुर्याउने उल्लेख छ।

शाओमीको वाईयू७ को आयामहरू ४,९९९ एमएम लम्बाई, १,९९६ एमएम चौडाई र १,६०० एमएम उचाई रहेको छ। साथै वाईयू७ को व्हीलबेस ३,००० एमएम रहेको  उल्लेख छ। वाईयू७ ले फराकिलो ५ सिट कन्फिगरेसन प्रदान गर्ने र यो लम्बाइमा ७–सीटर पनि आउन सक्ने उल्लेख गरिएको छ।

त्यसैगरी वाईयू७ ईभीको अगाडिको मोटरले २२० किलोवाट अधिकतम आउटपुट र पछाडिको मोटरले २८८ किलोवाटको साथ डुअल–मोटर प्रणाली समावेश गर्ने एरिनाईभीले उल्लेख गरेको छ।

त्यसका साथै वाईयू७ को नामले अनलाइनमा कौतुहलता र अनुमान जगाएको बताइएको छ। यसलाई सम्बोधन गर्दै जुनले उच्चारण केवल “वाईयू–७” भएको र जुन एसयू७ द्वारा स्थापित महासन्धि पछि “एसयू ७” भनिएको स्पष्ट पारेका छन्।

यद्यपि आधिकारिक मूल्य निर्धारण विवरणहरू भने अझै नखुलाइएको उल्लखे छ। एसयू७ भन्दा वाईयू७ को मूल्य अलि बढी हुने बताइएको जुन २१५,९०० चिनियाँ युआन (लगभग २७,००० यूरो) हुने उल्लेख छ।